محکمہ داخلہ پنجاب کے ترجمان نے 5 فروری کو اعلان کیا کہ لاہور میں بسنت کے دوران فلائٹ آپریشنز کو محفوظ بنانے کے لیے علامہ اقبال انٹرنیشنل ایئرپورٹ کے ٹیک آف اور لینڈنگ ایریاز میں پتنگ بازی پر مکمل پابندی عائد کر دی گئی ہے۔ ڈپٹی کمشنر لاہور نے کابینہ کی منظوری کے بعد نوٹیفکیشن جاری کیا، جو 6، 7 اور 8 فروری کے لیے لاگو ہوگا۔
یہ بھی پڑھیں:لاہور میں بسنت کا آغاز، وزیراعلیٰ مریم نواز کا لبرٹی چوک کا دورہ، شہریوں سے ملاقات
ایئرکرافٹ لینڈنگ ایریا: نادرآباد، گلشن علی کالونی، نشاط کالونی، بھٹہ چوک، اور DHA لاہور بلاکس P, Q, R, S۔ ایئرکرافٹ ٹیک آف راستے: الفیصل ٹاؤن، جوڑے پل، تاجپورہ سے ملحقہ کینال بینک روڈ اور تاجپورہ کے علاقے۔
یہ پابندیاں پاکستان ایئرپورٹس اتھارٹیز کی ایوی ایشن سیفٹی سفارشات کی روشنی میں اور Punjab Regulation of Kite Flying Act, 2025 کے سیکشن 6(1) کے تحت جاری کی گئی ہیں۔ باقی تمام شرائط اور ضوابط پہلے نوٹیفکیشن کے مطابق برقرار رہیں گے۔
یہ بھی پڑھیں:لاہور میں بسنت: قیمتوں اور محفوظ انتظامات پر توجہ
محکمہ داخلہ پنجاب نے واضح کیا کہ بسنت کے دوران بھی ان علاقوں میں پتنگ بازی کی اجازت نہیں ہوگی تاکہ طیاروں کے ٹیک آف اور لینڈنگ کے دوران کسی قسم کے حادثات سے بچا جا سکے۔
