پاکستان سپر لیگ کے 11ویں ایڈیشن میں شامل ہونے والی نئی فرنچائز حیدرآباد نے باضابطہ طور پر اپنا نام اور لوگو متعارف کرا دیا ہے۔ اس اعلان کے بعد لیگ میں شامل 8ویں ٹیم کی شناخت واضح ہو گئی ہے، جس سے پی ایس ایل 11 کے حوالے سے شائقینِ کرکٹ کا جوش مزید بڑھ گیا ہے۔
Update: Hyderabad Houston Kingsmen is the name of the latest PSL franchise owned by Fawad Sarwar 🇵🇰♥️ pic.twitter.com/QgsuHAc0iu
— Farid Khan (@_FaridKhan) February 7, 2026
پاکستان سپر لیگ (پی ایس ایل) سیزن 11 میں شامل حیدرآباد کی نئی ٹیم کا نام اور لوگو منظرِ عام پر آ گیا ہے۔ ہفتے کے روز حیدرآباد میں منعقدہ ایک تقریب کے دوران نئی فرنچائز کی باضابطہ رونمائی کی گئی، جس میں ٹیم کے نام اور شناخت کو پیش کیا گیا۔
یہ بھی پڑھیں:افغان کرکٹر رحمان اللہ گرباز پی ایس ایل 11 سے دستبردار
تقریب میں اعلان کیا گیا کہ پی ایس ایل کی نئی حیدرآباد فرنچائز کا نام ’حیدرآباد ہیوسٹن کنگز مین‘ رکھا گیا ہے۔ اس موقع پر پاکستان سپر لیگ کی جانب سے سوشل میڈیا پر بھی ٹیم کا آفیشل لوگو جاری کیا گیا، جسے شائقین کی جانب سے خاصی توجہ حاصل ہو رہی ہے۔
واضح رہے کہ پی ایس ایل کے 11ویں ایڈیشن میں ٹیموں کی تعداد بڑھا کر 8 کر دی گئی ہے۔ حیدرآباد اور سیالکوٹ اس سیزن میں شامل ہونے والی 2 نئی فرنچائزز ہیں، جس کے بعد لیگ مزید وسعت اختیار کر گئی ہے۔
حیدرآباد فرنچائز کے مالک فواد سرور ہیں، جنہوں نے یہ ٹیم 175 کروڑ روپے میں خریدی تھی۔ انتظامیہ کے مطابق نئی ٹیم پی ایس ایل میں معیاری اور مسابقتی کرکٹ پیش کرنے کے عزم کے ساتھ میدان میں اترے گی۔
یاد رہے کہ پی ایس ایل کی دوسری نئی ٹیم سیالکوٹ نے اپنی فرنچائز کا نام ’سیالکوٹ اسٹالینز‘ رکھا ہے، جبکہ حیدرآباد ہیوسٹن کنگز مین کی شمولیت سے پی ایس ایل 11 مزید دلچسپ ہونے کی توقع کی جا رہی ہے۔
