افغانستان کے جارح مزاج بلے باز رحمان اللہ گرباز نے پاکستان سپر لیگ (پی ایس ایل) کے 11ویں سیزن سے خود کو الگ کر لیا ہے۔ انہوں نے اس فیصلے کی وجہ بھی مداحوں کے ساتھ شیئر کی ہے۔
یہ بھی پڑھیں:پشاور زلمی نے پی ایس ایل 11 کے لیے افغان اسٹار رحمان اللہ گرباز کو سائن کر لیا
گرباز نے انسٹاگرام پر پشتو میں ایک ویڈیو شیئر کی، جس میں کہا ’میں کچھ ذاتی مصروفیات کی وجہ سے پی ایس ایل میں دستیاب نہیں ہوں گا۔ ورلڈ کپ کے بعد میں افغانستان واپس جا رہا ہوں‘۔
اپنی پوسٹ کے کیپشن میں انہوں نے مداحوں کا شکریہ ادا کرتے ہوئے لکھا کہ تمام محبت اور حمایت کے لیے شکریہ۔
View this post on Instagram
پی ایس ایل سیزن 11 کے لیے پشاور زلمی نے رحمان اللہ گرباز کو آکشن سے قبل ڈائرکٹ سائننگ کے ذریعے اپنے اسکواڈ میں شامل کیا تھا۔ فرنچائز نے 5 فروری کو اپنے آفیشل سوشل میڈیا اکاؤنٹس پر گرباز کی سائننگ کی تصدیق بھی کی تھی۔
یہ بھی پڑھیں:پی ایس ایل 11 میں ریکارڈ ٹوٹ گیا، اسٹیو اسمتھ سب سے مہنگے کھلاڑی بن گئے
اس اعلان میں گرافیکل پوسٹر بھی شامل تھا جس میں گرباز کو روایتی پگڑی پہنے پہاڑی پس منظر کے ساتھ دکھایا گیا، تاہم معاہدے کی رقم ظاہر نہیں کی گئی۔
پی ایس ایل کا 11واں ایڈیشن 26 مارچ سے شروع ہو کر 3 مئی تک جاری رہے گا۔
