وزیراعظم پاکستان کی ہدایت پر این ڈی ایم اے نے فلسطین کے لیے مزید 100 ٹن امدادی سامان روانہ کر دیا، جو الخدمت فاؤنڈیشن کے تعاون سے بھیجی گئی۔ یہ سامان خیموں پر مشتمل ہے اور خصوصی پرواز کے ذریعے علامہ اقبال انٹرنیشنل ایئرپورٹ لاہور سے روانہ ہوا۔
مزید پڑھیں: جنوری میں اسرائیلی آبادکاروں کے حملوں سے مغربی کنارے میں ریکارڈ تعداد میں فلسطینی بے گھر ہوئے، اقوامِ متحدہ
اب تک 28 امدادی کھیپوں کے ذریعے بھیجی گئی امداد کا مجموعی وزن 2,727 ٹن ہو چکا ہے۔ روانگی تقریب کے مہمانِ خصوصی وزیرِ ہاؤسنگ پنجاب میان بلال یاسین تھے، جبکہ این ڈی ایم اے، وزارت خارجہ اور الخدمت فاؤنڈیشن کے افسران بھی موجود تھے۔
مزید پڑھیں: محمود عباس کا فلسطینی نیشنل کونسل کے ارکان کا پہلی بار براہِ راست انتخاب کا فیصلہ
این ڈی ایم اے نے کہا کہ حکومت اور عوام فلسطین کے ساتھ کھڑی ہیں اور ان کی ضروریات کو پورا کرنے کے لیے ہر ممکن کوشش جاری رہے گی۔
