کراچی ایئرپورٹ پر حاملہ خاتون کو طبی امداد دینے کے لیے قطر ایئر لائن کی پرواز نے ہنگامی لینڈنگ کی۔
ترجمان سول ایوی ایشن کے مطابق قطر ائیرلائن کی پروازکیو آر 934 دوحہ(قطر) سے منیلا(فلپائن) جا رہی تھی کہ دوران پرواز ایک حاملہ خاتون کی طبعیت خراب ہوگئی جس پر پرواز نے کراچی ایئرپورٹ پر ہنگامی لینڈنگ کی۔
ابتدائی طور پر خاتون کو طیارے ہی میں ضروری طبی امداد دی گئی، لینڈنگ پر ڈاکٹرز اور ایمبولینس موقع پر پہنچے تاہم خاتون کے ہاں پہلے ہی بچے کی پیدائش ہو چکی تھی۔
ماں اور بچے کو مزید نگہداشت کے لیے میمن اسپتال منتقل کر دیا گیا ہے جہاں دونوں کی حالت صحت مند بتائی جا رہی ہے۔
غیر ملکی خاتون مسافر کا نام ’ہرموسیلا‘ ہے اور اس کا تعلق فلپائن سے ہے۔