ٹی20 ورلڈ کپ کے گروپ مرحلے کے 12 ویں میچ میں پاکستان نے امریکا کو 32 رنز سے شکست دے دی ہے، پاکستان نے پہلے بیٹنگ کرتے ہوئے 20 اوورز میں 9 وکٹوں کے نقصان پر 190 رنز بنائے، جس کے جواب میں امریکی ٹیم مقررہ اوورز میں 8 وکٹوں کے نقصان پر 158 رنز ہی بنا سکی۔
👏 Well played! Sahibzada Farhan dazzles with 73 off 41 balls with 5 SIXES & 6 FOURS ✨#PAKvUSA | #T20WorldCup | #BackTheBoysInGreen | #WeHaveWeWill pic.twitter.com/14KSAsf0Mp
— Pakistan Cricket (@TheRealPCB) February 10, 2026
پاکستان کی جانب سے صاحبزادہ فرحان نے شاندار 73 رنز کی اننگز کھیلی، جس میں 6 چوکے اور 5 چھکے شامل تھے، جبکہ بابر اعظم نے 32 گیندوں پر 46 رنز بنا کر ٹیم کو مستحکم بنیاد فراہم کی۔ شاداب خان نے جارحانہ کھیل کا مظاہرہ کرتے ہوئے صرف 12 گیندوں پر 30 رنز بنائے، جس میں 4 چوکے اور ایک چھکا شامل تھا۔
صائم ایوب نے 17 گیندوں پر 19 رنز جبکہ شاہین آفریدی نے 9 رنز بنائے۔
🙌🏼 Sahibzada Farhan & Babar Azam added 81 off 53 balls for the 3rd wicket 🏏#PAKvUSA | #T20WorldCup | #BackTheBoysInGreen | #WeHaveWeWill pic.twitter.com/mVv32UxZY1
— Pakistan Cricket (@TheRealPCB) February 10, 2026
امریکی بولنگ میں شڈلے وین نے 4 اوورز میں 4 وکٹیں حاصل کیں جبکہ محمد محسن اور ہرمیت سنگھ نے ایک ایک وکٹ حاصل کی۔ سوربھ نتھراوالکر نے بھی ایک وکٹ حاصل کی۔
پاکستان نے آخری 5 اوورز میں 53 رنز بنائے، جس سے ٹیم نے ہدف کو 190 تک پہنچایا۔
پاکستان کے ہدف کے تعاقب میں امریکی ٹیم مقررہ اوورز میں 8 وکٹوں کے نقصان پر 158 رنز ہی بنا سکی، امریکا کی جانب سے شوبھم رجنے 51 اور شایان جہانگیر 49 رنز کے ساتھ نمایاں رہے جبکہ ملند کمار نے 29 رنز اسکور کیے۔ دیگر کوئی بھی بیٹر خاطر خواہ کارکردگی نہ دکھا سکا۔
پاکستان کی جانب سے عثمان طارق نے شاندار بولنگ کرتے ہوئے 4 اوورز میں 27 رنز دے کر 3 وکٹیں حاصل کیں۔ شاداب خان نے 2 جبکہ شاہین شاہ آفریدی، محمد نواز اور ابرار احمد نے ایک ایک وکٹ حاصل کی۔
