سابق وزیراعظم عمران خان کی مبینہ طبی رپورٹ سے متعلق سوشل میڈیا پر گردش کرنے والی معلومات کو گمراہ کن قرار دیا جا رہا ہے۔
مزید پڑھیں: آنکھ کا مسئلہ یا کچھ اور؟ عمران خان کو پمز اسپتال لانے کے بعد کیا کچھ ہوتا رہا؟
مصدقہ ذرائع کے مطابق عمران خان کو ماضی میں بینائی سے متعلق مسائل درپیش رہے ہیں، جن کا ذکر ان کی عوامی تقاریر اور بیانات میں بھی کیا جاتا رہا ہے، خصوصاً دائیں آنکھ کی کمزور بینائی کے حوالے سے۔
سرکاری بیانات اور معالجین کے مطابق عمران خان کا طبی معائنہ اور علاج ایسے عارضے کے باعث کیا گیا جس میں آنکھوں کی شریانوں کے دباؤ میں اضافہ شامل تھا، جو پہلے سے موجود طبی مسائل سے مطابقت رکھتا ہے۔ ذرائع کا کہنا ہے کہ یہ صورتحال کسی اچانک یا من گھڑت بیماری کا نتیجہ نہیں بلکہ پہلے سے رپورٹ شدہ طبی کیفیت کا تسلسل ہے۔
مزید پڑھیں: آنکھ میں انفیکشن، کیا عمران خان کو پمز اسپتال لایا گیا؟
متعلقہ حلقوں نے زور دیا ہے کہ غیر مصدقہ رپورٹس پر انحصار کرنے کے بجائے مستند طبی دستاویزات اور معالجین کے بیانات کو بنیاد بنایا جائے۔
