اینٹی نارکوٹکس فورس (اے این ایف) نے 3 مختلف کارروائیوں کے دوران3 کلو 300 گرام چرس، 8160 نشہ آور گولیاں اور 20 کلو افیون برآمد کرکے 2 ملزمان کو گرفتار کر لیا ہے۔
ترجمان انسدادِ منشیات فورس کے مطابق اسلام آباد ترنول کے قریب نوشہرہ کے رہائشی ملزم سے 3 کلو 300 گرام چرس برآمد کرلی۔ دوسری کارروائی کے دوران کراچی انٹرنیشنل ایئر پورٹ پر فلائٹ نمبر TG 341 سے بنکاک جانے والے ملزم کے ٹرالی بیگ سے 8160 نشہ آور گولیاں برآمدکر لی گئیں۔
تیسری کارروائی دالبندین سرگل کے قریب عمل میں لائی گئی جہاں پر جھاڑیوں میں چھپائی گئی 20 کلو افیون برآمد کی گئی۔گرفتار مُلزمان کے خلاف انسدادِ منشیات ایکٹ کے تحت مقدمات درج کرکے تحقیقات کا آغاز کر دیا گیا ہے۔
