پاکستان تحریک انصاف کے کارکنان اور صوبائی قیادت نے اٹک پل خیرآباد، نوشہرہ کے مقام پر اور خیبر پختونخوا کے تمام اہم داخلی و خارجی راستے بند کر دیے ہیں۔ یہ قدم بانی پی ٹی آئی عمران خان کے ذاتی معالج تک رسائی اور الشفاء ہسپتال میں ذاتی معالج کی نگرانی میں مکمل علاج کے مطالبے کے لیے اٹھایا گیا ہے۔
یہ بھی پڑھیں:عمران خان کا بیٹوں سے ٹیلیفونک رابطہ، 20منٹ تک بات چیت ہوئی،علیمہ خان نے تصدیق کر دی
صدر عرفان سلیم، جنرل سیکریٹری خورشید عالم، عائشہ بانو اور پی ٹی آئی کے کارکنان نے اٹک پل کو ہر قسم کی ٹریفک کے لیے بند کر دیا ہے۔ راستے اس وقت تک بند رہیں گے جب تک عمران خان کو ان کے ذاتی معالج تک مکمل رسائی فراہم نہیں کی جاتی۔
عوام نے خوشحال گڑھ پل بھی بند کر دیا ۔۔۔!!#ComeToStreetsForKhan
— PTI (@PTIofficial) February 14, 2026
یہ راستے انصاف یوتھ ونگ، انصاف سٹوڈنٹ فیڈریشن اور تحریک انصاف کے کارکنوں نے بند کیے ہیں، جبکہ صوبائی مرکزی قیادت اسلام آباد میں تین مقامات پر دھرنا دے رہی ہے۔
بند روڈز کی تفصیل
صوابی انبار انٹرچینج بند ہے، ڈی آئی خان بھکر روڈ بند ہے، لکی مروت میانوالی روٹ بند ہے، ہزارہ موٹروے پر ایبٹ آباد حویلیاں انٹرچینج بند ہے، کوہاٹ-پنڈی روڈ خوشحال کے قریب بند ہے، اسلام آباد میں میانوالی پیک روڈ، یارک ٹول پلازہ اور سی پیک انٹرچینج بند ہیں، جبکہ اپر کوہستان میں گلگت شاہراہ قراقرم مکمل طور پر بند ہے۔
ایبٹ آباد حویلیاں انٹرچینج کے مقام پرتحریک انصاف کے نوجوانوں نے موٹروے کودونوں اطراف سے بند کر دیا ایمبولینس کو راستہ نہ ملنے سے مریض سڑک پر#PTIProtest pic.twitter.com/eOtTOvT2p2
— Shams Kiyani (@Soooorj) February 14, 2026
یاد رہے کہ اس وقت پنجاب اور دیگر صوبوں کو جانے والے خیبر پختونخوا کے تمام بڑے راستے بھی بند ہیں اور احتجاج پرامن ہے، جس کا مقصد عمران خان کے علاج کے لیے فوری اقدامات کو یقینی بنانا ہے۔
