ٹی20 ورلڈ کپ کے ایک ہائی وولٹیج ٹاکرے میں پاکستان روایتی حریف بھارت کیخلاف کولمبو کے پریماداسا اسٹیڈیم میں مقابلہ کررہا ہے.
یوں تو بنگلہ دیش کرکٹ ٹیم کی جانب سیکیورٹی خدشات کے پیش نظر بھارت میں کھیلنے سے انکار کے بعد ان کی ٹیم ٹورنامنٹ میں شریک نہیں لیکن بنگلہ دیش کے شائقین کرکٹ بھی اس میچ کے حوالے سے خاصے پرجوش ہیں۔
یہ بھی پڑھیں: ٹی20 ورلڈ کپ 2026: پاکستان، بنگلہ دیش کے میچز کی میزبانی کے لیے تیار
میڈیا رپورٹس کے مطابق بیستر بنگلہ دیشی شہریوں نے انٹرویو کے دورن ہر لحاظ سے پاکستانی ٹٰیم کی حمایت میں تبصرے کیے ہیں، بنگلہ شائقین کرکٹ کے مطابق پاک بھارت کرکٹ مقابلے ہمیشہ سے دلچسپی کا باعث رہتے ہیں۔
تاہم اس مرتبہ ان کی قومی ٹیم کے ایونٹ سے باہر ہونے کے بعد وہ پاکستان کو اس اہم میچ میں فتح سے ہمکنار ہوتا دیکھنے کے خواہاں ہیں، ڈھاکہ میں ایسے ہی ایک کرکٹ فین نے بتایا کہ پاکستان کے جیتنے کی صورت میں انہیں از حد خوشی ہوگی۔
دوسری جانب ایک اور بنگلہ شہری کا مؤقف تھا کہ وہ پاکستان کو سپورٹ کریں گے، کیونکہ وہ پاکستانی ٹیم کو پسند کرتے ہیں۔ ’پاکستان جیتے گا۔‘
مزید پڑھیں: ٹی20 ورلڈکپ تنازع: بنگلہ دیش نے پاکستان کی حمایت پر شکریہ ادا کیا
مزید پڑھیں: ایشیا کپ سیمی فائنل، ٹی20 کرکٹ میں پاکستان اور بنگلہ دیش کے درمیان کس کا ریکارڈ کیا ہے
ایک اور شہری نے بتایا کہ اب چونکہ بنگلہ دیش ٹی20 ورلڈ کپ سے باہر ہے لہذا اگر پاکستان جیتے گا تو انہیں از حد خوشی ہوگی،
ایک مؤقف تھا کہ بنگلہ دیش کے بعد ان کا پسندیدہ ملک پاکستان ہے یہی وجہ ہے کہ بھارت کیخلاف میچ میں انکی تمام تر ہمدردیاں اور دعائین پاکستانی ٹیم کے لیے ہوں گی۔
ایک نوجوان بنگلہ شہری نے بتایا کہ وہ بھارت کیخلاف میچ میں پاکستان کو کامیاب دیکھنا چاہیں گے، بابر اعظم ان کے پسندیدہ پلیئر ہیں جو بہت اچھی بیٹنگ کرتے ہیں۔ ’انڈیا کے ساتھ اچھا میچ ہوگا اور پاکستان جیتے گا۔‘
