سابق کپتان قومی کرکٹ ٹیم شاہد آفریدی نے ٹی20 ورلڈ کپ میں بھارت کے خلاف میچ میں عمدہ بولنگ پر صائم ایوب کی تعریف کی ہے۔
سماجی رابطے کی سائٹ ’ایکس‘ پر اپنے پیغام میں سوال اٹھایا کہ کیا اس میچ کا مردِ میدان پہلے ہی صائم ایوب کو قرار دیا جا سکتا ہے؟
Is the man of the match already Saim Ayub’s 🤔? #ICCT20WORLDCUP
— Shahid Afridi (@SAfridiOfficial) February 15, 2026
شاہد آفریدی کے اس تبصرے کے بعد مداحوں کی جانب سے بھی صائم ایوب کی کارکردگی پر مثبت ردعمل سامنے آ رہا ہے اور انہیں مستقبل کا باصلاحیت آل راؤنڈر قرار دیا جا رہا ہے۔
واضح رہے کہ کولمبو میں جاری آئی سی سی ٹی20 ورلڈکپ 2026 کے اہم مقابلے میں بھارت نے پاکستان کو جیت کے لیے 176 رنز کا ہدف دیا، قومی ٹیم کی جانب سے صائم ایوب کی بولنگ نمایاں رہی۔
صائم ایوب نے 4 اوورز میں 25 رنز دے کر 3 کھلاڑیوں کو آؤٹ کیا اور یوں وہ میچ میں پاکستان کے سب سے کامیاب بولر ثابت ہوئے۔
ان کی کارکردگی کے بعد سوشل میڈیا پر بھی انہیں بھرپور داد دی جا رہی ہے۔
