بیجنگ نے تصدیق کی ہے کہ برطانوی اور کینیڈین شہری منگل سے بغیر ویزا چین کا سفر کر سکیں گے۔ یہ فیصلہ دونوں ممالک کے وزرائے اعظم کے حالیہ دورۂ بیجنگ کے بعد کیا گیا۔
مزید پڑھیں: چین کے اے آئی ماڈلز نے عالمی مارکیٹ میں ہلچل مچا دی
برطانوی اور کینیڈین وزیراعظم نے جنوری میں بیجنگ کا دورہ کیا تھا جہاں انہوں نے چینی قیادت سے تعلقات کے فروغ پر بات چیت کی۔ ملاقاتوں میں چینی صدر بھی شامل تھے، اور ویزا فری رسائی اہم موضوعات میں سے ایک تھا۔
چین کی وزارتِ خارجہ کے مطابق یہ پالیسی 31 دسمبر تک مؤثر رہے گی۔ برطانیہ اور کینیڈا کے عام پاسپورٹ رکھنے والے شہری کاروبار، سیاحت، رشتہ داروں اور دوستوں سے ملاقات، تبادلہ پروگرام یا ٹرانزٹ کی غرض سے زیادہ سے زیادہ 30 دن کے لیے بغیر ویزا چین میں داخل ہو سکیں گے۔
مزید پڑھیں:میونخ سیکیورٹی کانفرنس: چین سے تعلقات ناگزیر مگر قومی مفادات پر سمجھوتہ نہیں ہوگا، مارکو روبیو
بیان میں کہا گیا کہ اس اقدام کا مقصد چین اور دیگر ممالک کے درمیان عوامی روابط کو مزید فروغ دینا ہے۔
