پاکستان تحریک انصاف (پی ٹی آئی) کے چیئرمین عمران خان سے پاکستان میں تعینات آسٹریلیا کے ہائی کمشنر نیل ہاکنگز نے زمان پارک میں ملاقات کی ہے۔
تحریک انصاف کے میڈیا سیل کے مطابق عمران خان اور آسٹریلیا کے ہائی کمشنر کے درمیان ہونے والی ملاقات میں پاکستان، آسٹریلیا تعلقات، دوطرفہ معاملات اور باہمی دلچسپی کے امور پر تفصیلی تبادلہ خیال کیا گیا۔
پاکستان میں آسٹریلیا کے ہائی کمشنر نیل ہاکنگز کی زمان پارک آمد
چیئرمین پاکستان تحریک انصاف عمران خان سے خصوصی ملاقات
پاک-آسٹریلیا تعلقات، دوطرفہ معاملات اور باہمی دلچسپی کے امور پر تفصیلی تبادلہ خیال
جمہوریت کے فروغ و استحکام اور آئین و قانون کی حکمرانی کے حوالے سے تحریک… pic.twitter.com/LfLTd7HGWe
— PTI (@PTIofficial) May 30, 2023
بیان میں کہا گیا ہے کہ ملاقات میں جمہوریت کے فروغ، استحکام اور آئین و قانون کی حکمرانی کے حوالے سے تحریک انصاف کے فلسفہ اور منشور پر مفصل گفتگو کی گئی۔
اس کے علاوہ انسانی حقوق کے عالمی چارٹر، پاکستان میں بنیادی حقوق خصوصاً خواتین اور سیاسی کارکنان کے حقوق کی کیفیت پر بھی بات چیت کی گئی۔
ملاقات میں پاکستان میں جمہوریت کے معیار، معاشی چیلنجز، تجارت، سیاحت اور سرمایہ کاری جیسے امور پر بھی تفصیلی بات چیت کی گئی۔
