رمضان المبارک میں اسکولوں کے اوقات کار کیا ہوں گے، اعلان کردیا گیا

محکمہ تعلیم سندھ نے رمضان المبارک 2026 کے دوران صوبے بھر کے سرکاری اور نجی اسکولوں کے لیے نئے اوقات کار کا اعلان کردیا۔

مزید پڑھیں: رمضان المبارک کا چاند دیکھنے کے لیے مرکزی رویت ہلال کمیٹی کا اجلاس پشاور میں جاری

فیصلے کے مطابق پرائمری اسکولوں کی سنگل شفٹ صبح 8 بجے سے 12:30 بجے تک ہوگی، جبکہ ڈبل شفٹ اسکولوں میں پہلی شفٹ صبح 7:30 بجے سے 11:30 بجے اور دوسری شفٹ 11:45 بجے سے 2:45 بجے تک ہوگی۔

جمعہ کے دن سنگل شفٹ صبح 8 بجے سے 11:30 بجے تک جبکہ ڈبل شفٹ میں پہلی شفٹ 7:30 بجے سے 10:30 بجے اور دوسری 11:45 بجے سے 1:15 بجے تک ہوگی۔

ثانوی، ہائر سیکنڈری اور ایلیمنٹری اسکولوں کے لیے سنگل شفٹ صبح 7:30 بجے سے 11:30 بجے تک ہوگی، جبکہ ڈبل شفٹ میں پہلی شفٹ 7:30 بجے سے 11:30 بجے اور دوسری شفٹ 11:45 بجے سے 2:45 بجے تک جاری رہے گی۔

مزید پڑھیں: وفاقی حکومت نے رمضان المبارک 2026 کے لیے دفتری اوقات کا اعلان کردیا

جمعہ کو سنگل شفٹ صبح 8 بجے سے 11:30 بجے تک جبکہ ڈبل شفٹ میں پہلی شفٹ 7:30 بجے سے 10:30 اور دوسری 11:45 بجے سے 1:15 بجے تک ہوگی۔