واشنگٹن میں غزہ پیس بورڈ کے اجلاس کے موقع پر پاکستان علما کونسل کے چیئرمین حافظ محمد طاہر محمود اشرفی نے کہا کہ پاکستان اور اسلامی ممالک کی شمولیت فلسطینی عوام کے حق میں ہے۔ انہوں نے واضح کیا کہ پاکستان کا موقف فلسطین کے مسئلے پر یکساں اور متفقہ ہے، اور بعض عناصر صرف سیاسی مقاصد کے لیے افواہیں پھیلا رہے ہیں۔
یہ بھی پڑھیں:واشنگٹن: ٹرمپ کی زیر صدارت پیس بورڈ اجلاس، پاک بھارت جنگ پر بھی گفتگو
پاکستان علما کونسل کے چیئرمین نے اجلاس کے دوران کہا کہ وزیر اعظم میاں شہباز شریف اور فیلڈ مارشل حافظ سید عاصم منیر نے ہمیشہ فلسطین کے حق میں امت مسلمہ کی ترجمانی کی ہے۔ انہوں نے امید ظاہر کی کہ غزہ امن بورڈ کے اجلاس میں وزیر اعظم پاکستان ایک بار پھر اصولی موقف واضح کریں گے۔
🔹️غزہ کی صورتحال پر امن بورڈکا اجلاس
🔹️چیئرمین پاکستان علماء کونسل حافظ محمد طاہر محمود اشرفی کی اہم گفتگوچیئرمین پاکستان علماء کونسل حافظ محمد طاہر محمود اشرفی نے کہا ہے کہ پاکستان اور اسلامی ممالک کی غزہ امن بورڈ میں شمولیت اہل فلسطین کیلئے ہے ۔
پاکستان کی عوام اور… pic.twitter.com/Eno0lCWzvR
— Eagle Eye (@zarrar_11PK) February 19, 2026
حافظ طاہر محمود اشرفی نے کہا کہ پاکستان کا موقف یہ ہے کہ ایک آزاد و خود مختار فلسطینی ریاست قائم کی جائے جس کا دارالحکومت القدس شریف ہو، غزہ کی مکمل تعمیر نو کی جائے، مکمل جنگ بندی عمل میں لائی جائے، اور اسرائیلی مظالم اور بربریت کا خاتمہ ہو۔
انہوں نے عالمی افواہوں کی بھی تردید کی اور کہا کہ جو لوگ صبح و شام یہ افواہیں پھیلا رہے تھے کہ غزہ امن بورڈ میں نتن یاہو اور وزیر اعظم شہباز شریف ایک ساتھ بیٹھیں گے، انہیں واضح کر دیا جاتا ہے کہ وزیر اعظم شہباز شریف موجود ہیں اور ان کا کوئی تعلق نتن یاہو سے نہیں۔ حافظ طاہر اشرفی نے لوگوں سے کہا کہ اب ایسی افواہیں نہ پھیلائیں تاکہ عوام میں غیر ضروری فکری انتشار پیدا نہ ہو۔
یہ بھی پڑھیں:وزیرِاعظم شہباز شریف دورۂ امریکا پر واشنگٹن پہنچ گئے، بورڈ آف پیس اجلاس میں شرکت کریں گے
یہ اجلاس اور پاکستان کا مؤقف عالمی میڈیا اور مسلم دنیا کے لیے ایک اہم پیغام رکھتا ہے کہ پاکستان فلسطینی عوام کے حق میں اپنی آواز بلند رکھے گا اور خطے میں امن قائم رکھنے کے لیے اپنا کردار ادا کرتا رہے گا۔
