پنجاب کی وزیراطلاعات عظمیٰ بخاری نے کہا ہے کہ لاہور کی خوبصورتی اور ترقی کی مثالیں اب پورے پنجاب میں محسوس کی جا رہی ہیں اور پاکستان کے دیگر شہروں کے لوگ بھی لاہور کی ترقی سے متاثر ہو رہے ہیں۔
مزید پڑھیں: لاہور مین ہول حادثہ، عظمیٰ بخاری کی فیک نیوز بے نقاب، فوج اور پی ٹی آئی میں تمام راستے بند
انہوں نے بتایا کہ اب پنجاب کے باقی شہروں کو بھی لاہور جیسا خوبصورت اور ترقی یافتہ بنایا جا رہا ہے اور ترقی و خوبصورتی کا سفر اب صرف لاہور تک محدود نہیں رہا۔
عظمی بخاری نے کہا کہ وزیراعلیٰ مریم نواز نے لاہور اور پنجاب کے دیگر شہروں میں تفریق ختم کر دی ہے اور پنجاب کے مختلف شہروں میں لاہور کے سٹینڈر کے منصوبے شروع ہو رہے ہیں۔ اب نہ کوئی ساوتھ پنجاب ہے، نہ سینٹرل پنجاب، نہ جنوبی پنجاب، بلکہ بس ایک متحدہ پنجاب ہے۔
وزیر اطلاعات نے مزید کہا کہ صحت، تعلیم اور انفراسٹرکچر کے جدید منصوبوں کا دائرہ کار پورے صوبے میں وسیع کر دیا گیا ہے اور پہلی بار پنجاب کے عوام کے ٹیکس کا پیسہ ان کی فلاح و بہبود پر خرچ ہو رہا ہے۔
مزید پڑھیں: شہری مری کے سفر سے اجتناب کریں، وزیر اطلاعات پنجاب عظمیٰ بخاری کا اہم پیغام
انہوں نے کہا کہ مریم نواز پنجاب کے عوام کی ایک ایک پائی دیانتداری سے ان پر خرچ کر رہی ہیں اور پنجاب حکومت کے کھربوں روپے کے منصوبوں پر کوئی مخالف بھی انگلی نہیں اٹھا سکتا۔
عظمی بخاری نے کہا کہ پنجاب میرٹ، گڈگورننس اور ترقی میں باقی صوبوں کے مقابلے میں ٹاپ پوزیشن پر ہے۔
