بلوچستان کے دوسرے بڑے شہر تربت کی تحصیل بلیدہ کے علاقے میناژ میں ایک گھر پر مارٹر گولے سمیت فائرنگ کے ذریعے حملے میں ایک ہی خاندان کے 6 افراد جاں بحق ہو گئے۔
پولیس کا کہنا ہے کہ جاں بحق افراد میں خواتین اور کمسن بچے بھی شامل ہیں۔
یہ بھی پڑھیں: تربت میں نامعلوم افراد کی فائرنگ، جے یو آئی رہنما مفتی شاہ میر بزنجو جاں بحق
پولیس کے مطابق اس واقعے میں مزید 3 افراد زخمی ہوئے جنہیں فوری طور پر مقامی اسپتال منتقل کیا گیا۔
پولیس ذرائع نے بتایا کہ سیکیورٹی فورسز نے علاقے کا گھیراؤ کر کے ملزمان کی تلاش شروع کر دی ہے۔
ابتدائی تحقیقات میں حملے کی وجوہات معلوم کرنے کے لیے مختلف پہلوؤں پر کام جاری ہے۔
مزید پڑھیں: تربت: اسسٹنٹ کمشنر تمپ محمد حنیف نورزئی اغوا، سرچ آپریشن جاری
یہ واقعہ علاقے میں سیکیورٹی کی صورتحال کے حوالے سے شدید تشویش پیدا کر رہا ہے۔
مقامی انتظامیہ نے عوام سے مطالبہ کیا ہے کہ وہ مشتبہ افراد کے بارے میں فوری طور پر پولیس کو اطلاع دیں۔
