برطانیہ کے سابق وزیر خارجہ اور پی ٹی آئی کے بانی عمران خان کے سابق سالے زیک گولڈ اسمتھ نے برطانیہ کی پارلیمنٹ میں عمران خان کے جیل میں حالات کے حوالے سے شدید تشویش کا اظہار کیا اور برطانوی حکومت سے مطالبہ کیا کہ وہ یقینی بنائے کہ خان کو انسانی حقوق اور صحت کی بنیادی سہولیات فراہم کی جائیں۔
مزید پڑھیں: وی ایکسکلوسیو: 9 مئی سزا: فوکس فیض، عمران گٹھ جوڑ پر ہے، وزیر اطلاعات عطااللہ تارڑ
گولڈاسمتھ نے کہا کہ خان کو وکیل، اہل خانہ بشمول 2 بیٹوں اور ڈاکٹروں سے ملاقات کی اجازت نہیں دی گئی، اور وہ زیادہ تر وقت قید میں تنہائی میں گزار رہے ہیں، جس سے ان کی صحت تیزی سے بگڑ رہی ہے۔
The treatment of Imran Khan at the hands of the Pakistani government is an international outrage.
Today Peers across the House urged the UK Foreign minister to step up@ImranKhanPTI pic.twitter.com/2PQcn9jgeL— Zac Goldsmith (@ZacGoldsmith) February 25, 2026
انہوں نے برطانیہ کی پاکستان کو دی جانے والی امداد پر بھی نظر ثانی کا عندیہ دیا اور کہا کہ پاکستان کو کمیونین چارٹر کے مطابق عدلیہ کی آزادی اور قانون کی حکمرانی کے لیے واضح عزم دکھانا ہوگا۔
مزید پڑھیں: حکومت عمران خان کو اسپتال منتقل کرنے پر راضی، ڈیڈلاک کیوں ہوا؟
یاد رہے کہ عمران خان اگست 2023 سے اڈیالہ جیل میں 190 ملین پاؤنڈ کے کرپشن کیس کی سزا بھگت رہے ہیں اور 9 مئی 2023 کے جلاؤ گھیراؤ سے متعلق انسداد دہشتگردی کے مقدمات کا بھی سامنا ہے۔
