پاکستان کے سیکیورٹی اداروں نے خیبر، چترال، مہمند، کرم اور باجوڑ کے مختلف سرحدی سیکٹرز میں افغان طالبان کی مبینہ بلا جواز فائرنگ کے بعد فوری اور مؤثر جوابی اقدامات کیے ہیں۔ ابتدائی رپورٹس کے مطابق افغان جانب بھاری جانی نقصان ہوا ہے جبکہ متعدد پوسٹس اور عسکری سازوسامان تباہ کر دیے گئے ہیں۔
حکام کا کہنا ہے کہ پاکستان اپنی سرحدی سالمیت اور شہریوں کے تحفظ کو ہر صورت یقینی بنائے گا۔
Afghan Taliban regime unprovoked action along the Pakistan–Afghanistan border given an immediate, and effective response.
Afghan Taliban miscalculated and opened unprovoked fire on multiple locations across Pakistan Afghanistan border in KP which is being met with immediate, and…
— Ministry of Information & Broadcasting (@MoIB_Official) February 26, 2026
یاد رہے کہ طالبان حکومت کے ترجمان ذبیح اللہ مجاہد نے ایک ٹوئٹ میں اعلان کیا تھا کہ پاکستانی فوج کے مخصوص حلقے کی بار بار سرکشی اور تمرد کے جواب میں ڈیورنڈ لائن کے ساتھ واقع فوجی مراکز اور تنصیبات کے خلاف وسیع پیمانے پر آپریشن شروع کیا گیا ہے۔
یہ بھی پڑھیں:ڈیورنڈ لائن پر پاکستانی فوجی مراکز کے خلاف آپریشن شروع، طالبان ترجمان کا اعلان
ان کے مطابق یہ کارروائی ان پاکستانی فوجی یونٹس کے خلاف کی گئی ہے جو طالبان کی حدود میں نقل و حرکت کرتے ہیں یا حکومتی مفادات کے خلاف سرگرم ہیں۔ تاہم پاکستانی حکام نے اس دعوے کو مسترد کرتے ہوئے مؤقف اختیار کیا ہے کہ افغان طالبان کی بلا جواز فائرنگ کے جواب میں قومی سلامتی اور سرحدی حدود کے تحفظ کے لیے قانونی اور مؤثر ردعمل دیا گیا۔
