نائب وزیراعظم اور وزیر خارجہ اسحاق ڈار کو سعودی عرب میں قیام کے دوران قطر کے وزیر مملکت برائے خارجہ امور ڈاکٹر محمد بن عبدالعزیز الخلیفی کا ٹیلیفون موصول ہوا۔
یہ بھی پڑھیں:پاکستان عالمی تبدیلیوں کے مطابق اپنی خارجہ پالیسی ڈھال چکا ہے، اسحاق ڈار
وزارت خارجہ کے مطابق قطری وزیر نے وزیراعظم شہباز شریف کے حالیہ دورۂ دوحہ کو سراہتے ہوئے اسے نہایت مفید قرار دیا۔ انہوں نے کہا کہ قطری قیادت پاکستان کے ساتھ تعلقات کو نئی بلندیوں تک لے جانے کی خواہاں ہے۔ اسحاق ڈار نے اس جذبے کا خیرمقدم کیا اور مثبت جواب دیا۔
نائب وزیراعظم نے دوحہ کے دورے (23 تا 24 فروری) کے دوران وزیراعظم شہباز شریف اور ان کے وفد کو دی گئی پرتپاک میزبانی اور مہمان نوازی پر قطری حکومت کا شکریہ بھی ادا کیا۔
Deputy Prime Minister/Foreign Minister Mohammad Ishaq Dar @MIshaqDar50 received a telephone call today in Saudi Arabia from H.E. Dr. Mohammed bin Abdulaziz Al-Khulaifi, Minister of State, Ministry of Foreign Affairs, Qatar @Dr_Al_Khulaifi.
Minister @Dr_Al_Khulaifi appreciated… pic.twitter.com/qch07XO479
— Ministry of Foreign Affairs – Pakistan (@ForeignOfficePk) February 26, 2026
گفتگو کے دوران دونوں رہنماؤں نے دوطرفہ تعلقات، خطے کی صورتحال اور عالمی امور پر تبادلہ خیال کیا۔ دونوں جانب سے پاکستان اور قطر کے درمیان برادرانہ تعلقات کو مزید مستحکم کرنے کے عزم کا اعادہ کیا گیا۔
