بنگلہ دیش کی جماعت اسلامی خواتین ونگ نے دارالحکومت ڈھاکا میں انسانی زنجیر بنائی، جس میں خواتین اور بچوں کے خلاف بڑھتے ہوئے تشدد، جنسی زیادتی اور قتل کے واقعات کی مذمت کی گئی۔
مزید پڑھیں: جماعت اسلامی بنگلہ دیش کا عوامی لیگ رہنماؤں کی ضمانت اور دفاتر کھولنے پر تشویش کا اظہار
مظاہرین نے قومی پریس کلب کے سامنے مطالبہ کیا کہ ملزمان کو عبرت ناک سزا دی جائے اور خواتین و بچوں کی حفاظت کے لیے 10 نکاتی منشور پیش کیا۔
تقریب سے خطاب کرتے ہوئے سیکریٹری نورالنسا صدیقہ نے حکومت پر عوامی حفاظت میں ناکامی کا الزام لگایا اور پولیس اور میڈیا کی غیر تسلی بخش کارکردگی پر سوالات اٹھائے۔
دیگر مقررین نے فوری گرفتاری، عدالتی کارروائی میں تاخیر کے خاتمے، اور سیاسی اثرورسوخ کے تحت جرائم کی سرپرستی روکنے پر زور دیا۔
مزید پڑھیں:بنگلہ دیش کے وزیرِ داخلہ کی چینی سرمایہ کاروں کو سرمایہ کاری بڑھانے کی دعوت
منشور میں ریاستی ذمہ داری، شفاف تحقیقات، تیز رفتار ٹرائل اور بچوں کے تحفظ کے لیے مستقل اقدامات شامل ہیں۔
