اسلام آباد ہائیکورٹ میں توشہ خانہ فوجداری کیس میں بانی چیئرمین پی ٹی آئی کے شفا اسپتال میں میڈیکل چیک اپ کے لیے دائر درخواست سماعت کے لیے مقرر کر دی گئی۔
یہ بھی پڑھیں: اسلام آباد ہائیکورٹ: بانی پی ٹی آئی اور بشریٰ بی بی کی توشہ خانہ ٹو کیس اپیلوں پر اعتراضات دور
اسلام آباد ہائیکورٹ نے بانی پی ٹی آئی کا کیس کل سماعت کے لیے مقرر کر دیا۔ جسٹس اربابِ محمد طاہر اور جسٹس خادم حسین سومرو سماعت کریں گے۔
عدالت نے رجسٹرار آفس کے اعتراضات کے ساتھ درخواست کل سماعت کے لیے مقرر کی ہے۔ وکیل سردار لطیف کھوسہ نے علاج کے لیے متفرق درخواست دائر کر رکھی ہے۔
مزید پڑھیے: توشہ خانہ 2 کیس: بلغاری سیٹ بشریٰ بی بی سے کون لے اڑا؟ پی ٹی آئی رہنماؤں نے نیا تنازع کھڑا کردیا
درخواست میں بانی پی ٹی آئی کو شفا انٹرنیشنل اسپتال منتقل کرنے، علاج کے دوران بانی کے ذاتی معالج ڈاکٹر فیصل سلطان اور ڈاکٹر عاصم کو بھی رسائی دینے، فیملی کو بانی پی ٹی آئی کے علاج کے دوران رسائی دینے کی استدعا کی گئی ہے۔
