مسئلہ کشمیر حل تو ایٹم بم ختم؟ عمران خان کا بیان پھر وائرل، علیمہ خان کا موقف بھی سامنے آگیا

بانی پی ٹی آئی عمران خان کے سابق بیان ایک بار پھر سوشل میڈیا پر زیرِ بحث ہے جس میں انہوں نے مسئلہ کشمیر کے حل کی صورت میں پاکستان کو ڈی نیوکلیئرائز کرنے سے متعلق مؤقف پیش کیا تھا۔ اس بیان کے تناظر میں ان کی ہمشیرہ علیمہ خان نے وضاحت کرتے ہوئے کہا ہے کہ پاکستان کا ایٹمی پروگرام محض دفاعی حکمتِ عملی اور ڈیٹرنس کے لیے ہے نہ کہ اس کے استعمال کے لیے۔

علیمہ خان سے صحافی نے سوال کیا کہ عمران خان کا ایک انٹرویو دوبارہ وائرل ہو رہا ہے کہ اگر کشمیر کا مسئلہ ہو جاتا ہے تو ہم پاکستان کو ڈی نیوکلیئرآئز کریں گے اس بیان کو کیسے دیکھتی ہیں؟

Aleema Khan has publicly endorsed Imran Khan’s old remarks on denuclearising Pakistan. pic.twitter.com/FXOnA1Kiu8

— The Thursday Times (@thursday_times) March 3, 2026

علیمہ خان نے اس پر ردعمل دیتے ہوئے کہا ہے کہ ’اگر کوئی حملہ نہ کرے تویہ ڈیٹرنٹ ہے۔ یہ نہیں کہ آپ استعمال کریں گے‘۔ علیمہ خان نے کہا کہ ’کون سا بارڈر کھلا ہے ہمارا تو کوئی بارڈر نہیں کھلا ہوا۔ ہمسایوں کے تعلقات اچھے ہوں انڈیا کے ساتھ تنازعات ختم ہوجائیں۔ باقی ممالک کے ساتھ تعلقات اچھے ہوں جنگ نہ لڑیں تو آپ کو بم کی ضرورت نہیں پڑے گی‘۔