وزیراعظم پاکستان شہباز شریف نے لبنان کے وزیراعظم نواف سلام سے ٹیلیفون پر رابطہ کرکے اسرائیلی جارحیت کے خلاف پاکستان کی حمایت اور یکجہتی کا اظہار کیا۔
وزیراعظم شہباز شریف نے گفتگو کے دوران لبنان پر اسرائیلی حملوں کی سخت الفاظ میں مذمت کی اور ان حملوں میں ہلاک ہونے والے شہریوں کے لیے گہرے دکھ اور افسوس کا اظہار کیا۔
I spoke with Prime Minister Nawaf Salam today to convey Pakistan’s unwavering solidarity with the people of Lebanon in the wake of Israeli attacks that have caused tragic loss of life.
Pakistan firmly supports Lebanon’s sovereignty and territorial integrity. We also discussed…— Shehbaz Sharif (@CMShehbaz) March 4, 2026
انہوں نے لبنانی عوام کے ساتھ پاکستان کے اصولی مؤقف اور یکجہتی کو بھی دہرایا۔
پاکستان اور لبنان کے دیرینہ برادرانہ تعلقات کا حوالہ دیتے ہوئے وزیراعظم نے لبنانی قیادت کو یقین دلایا کہ پاکستان لبنان کی خودمختاری اور علاقائی سالمیت کے لیے مکمل حمایت جاری رکھے گا اور امن کے فروغ میں تعمیری کردار ادا کرنے کی آمادگی رکھتا ہے۔
بیان میں کہا گیا ہے کہ دونوں رہنماؤں نے ایران پر اسرائیلی حملوں اور خلیجی ممالک کے جوابی اقدامات کے بعد خطے میں پیدا ہونے والی کشیدگی پر بھی تبادلہ خیال کیا اور اس بات پر اتفاق کیا کہ جلد از جلد خطے میں امن و امان کی بحالی اور کشیدگی میں کمی ضروری ہے۔
لبنان کے وزیراعظم نواف سلام نے اس مشکل وقت میں لبنان کے ساتھ یکجہتی اور حمایت پر وزیراعظم شہباز شریف اور پاکستانی عوام کا شکریہ ادا کیا۔
