اسلام آباد ہائی کورٹ نے ممنوعہ فنڈنگ کیس میں الیکشن کمیشن کے فیصلے کے خلاف تحریک انصاف کی درخواست مسترد کر دی۔
ممنوعہ فنڈنگ کیس میں الیکشن کمیشن کے فیصلے کے خلاف تحریک انصاف کی جانب سے دائر درخواست پر سماعت چیف جسٹس اسلام آباد ہائی کورٹ جستس عامر فاروق کی سربراہی میں تین رکنی بینچ نے کی، سماعت کے اختتام پر عدالت نے تحریک انصاف کی درخواست مسترد کر دی۔
چیف جسٹس اسلام آباد ہائیکورٹ جسٹس عامر فاروق، جسٹس میاں گل حسن اورنگزیب اورجسٹس بابر ستار پر مشتمل لارجر بینچ نے فیصلہ سنایا۔
پی ٹی آئی نے ممنوعہ فنڈنگ کیس میں الیکشن کمیشن کے فیصلے کے خلاف 2022 میں دائر کردہ درخواست میں فیصلے اور شوکاز نوٹس کو غیر قانونی قرار دینے کی استدعا کی تھی۔
عدالت نے الیکشن کمیشن کی عمران خان کے خلاف ڈکلیئریشن اور معاملہ وفاقی حکومت کو بھیجنے کا فیصلہ کالعدم قرار دینے کی استدعا مسترد کرتے ہوئے تحریک انصاف کی دائر درخواست خارج کر دی۔
