نوید کامران بلوچ نے پاکستان کے 9ویں وفاقی محتسب کی حیثیت سے اپنے عہدے کا حلف اٹھا لیا۔ صدر مملکت آصف علی زرداری نے ایوانِ صدر میں منعقدہ پروقار تقریب میں ان سے حلف لیا۔
مزید پڑھیں: وفاقی محتسب کے علاقائی دفتر سے آزاد کشمیر کے شہریوں کو کتنا فائدہ ہوگا؟
تقریب میں اعلیٰ سرکاری حکام اور اہم شخصیات نے شرکت کی۔ ایوانِ صدر کے پریس ونگ کے مطابق نوید کامران بلوچ 4 سالہ مدت کے لیے اپنے عہدے پر فائز رہیں گے۔
نوید کامران بلوچ نے پاکستان کے 9 ویں وفاقی محتسب کے عہدے کا حلف اٹھا لیا، صدر مملکت آصف علی زرداری نے ان سے حلف لے لیا۔@AmirSaeedAbbasi @Aadiiroy2 @PPP_Org pic.twitter.com/E0EwwfbgAe
— Media Talk (@mediatalk922) March 5, 2026
نوید کامران بلوچ وسیع انتظامی تجربہ رکھتے ہیں اور اس سے قبل مختلف اہم عہدوں پر خدمات انجام دے چکے ہیں، جن میں چیف سیکریٹری خیبر پختونخوا، وفاقی سیکرٹری اور وزیراعلیٰ سندھ کے پرنسپل سیکریٹری کے عہدے شامل ہیں۔
مزید پڑھیں: سپریم کورٹ: سابق وفاقی محتسب کو توہین عدالت کیس میں نوٹس جاری
حلف برداری کے بعد وفاقی محتسب نے صدر مملکت سے ملاقات بھی کی۔ اس موقع پر صدر مملکت نے ہدایت کی کہ شہریوں کو انصاف تک رسائی بہتر بنانے، مقدمات کے جلد اور مؤثر فیصلوں کو یقینی بنانے اور وفاقی اداروں میں شکایات کے بروقت ازالے کے نظام کو مزید مضبوط بنانے کو ترجیح دی جائے۔
