عالمی ادارہ صحت نے کہا ہے کہ امریکا اور اسرائیل کی حالیہ کارروائیوں کے دوران ایران کے صحت کے شعبے پر کم از کم 13 حملے ہوئے ہیں جن کے نتیجے میں 4 صحت کے کارکن شہید اور 25 زخمی ہو گئے ہیں۔
یہ بھی پڑھیں: ایران نے کرد گروہوں کے خلاف آپریشن شروع کردیا
ڈبلیو ایچ او کے ڈائریکٹر جنرل تدروس ادھانوم گھیبریسوس نے پریس کانفرنس میں بتایا کہ عالمی ادارے نے ایران میں صحت کی سہولیات پر 13 حملوں اور لبنان میں ایک حملے کی تصدیق کی ہے۔
مزید پڑھیے: امریکی سینیٹ نے ایران کے خلاف جنگ روکنے کی قرارداد مسترد کر دی
اسی پریس بریفنگ میں ایک اور ڈبلیو ایچ او اہلکار نے بتایا کہ چار ایمبولینسز بھی متاثر ہوئی ہیں اور اسپتالوں اور دیگر طبی مراکز کو نزدیکی حملوں کے باعث معمولی نقصان پہنچا ہے۔
