ایران سے جاری جنگ کے باعث عالمی منڈیوں میں شدید ہلچل پیدا ہوگئی ہے اور جمعے کے روز تیل کی قیمتیں بڑھ کر 90 ڈالر فی بیرل سے زیادہ ہو گئیں، جبکہ اسٹاک مارکیٹس میں بھی نمایاں کمی دیکھنے میں آئی۔
یہ بھی پڑھیں: ایران کے شہر قم کے متعدد علاقوں میں امریکا و اسرائیل کے حملے، دیگر شہروں میں بھی کارروائی
امریکی خام تیل کی قیمت ابتدائی تجارت میں 9 فیصد سے زیادہ اضافے کے ساتھ 91 ڈالر فی بیرل تک پہنچ گئی، جو اکتوبر 2023 کے بعد بلند ترین سطح ہے۔
دوسری جانب عالمی معیار برینٹ خام تیل بھی 6 فیصد سے زیادہ اضافے کے بعد 90 ڈالر فی بیرل سے اوپر چلا گیا، جو اپریل 2024 کے بعد سب سے زیادہ قیمت ہے۔
مزید پڑھیے: ایران پر حملے بین الاقوامی قانون کے مطابق نہیں لیکن امریکا کے ساتھ تعاون بھی ضروری ہے، ہسپانوی وزیراعظم
ماہرین کے مطابق ایران جنگ کے باعث عالمی توانائی کی سپلائی متاثر ہونے کا خدشہ بڑھ رہا ہے۔ ایک رپورٹ کے مطابق کویت نے ذخیرہ کرنے کی گنجائش کم ہونے کے باعث بعض آئل فیلڈز میں پیداوار کم کرنا شروع کر دی ہے، تاہم اس خبر کی باضابطہ تصدیق نہیں ہو سکی۔
اسی دوران امریکی صدر ڈونلڈ ٹرمپ نے سوشل میڈیا پر بیان دیا کہ سوائے غیر مشروط ہتھیار ڈالنے کے ایران کے ساتھ کسی معاہدے کا امکان نہیں۔
اسٹاک مارکیٹس میں گراوٹ
تیل کی قیمتوں میں اضافے اور خراب معاشی اعداد و شمار کے باعث عالمی اسٹاک مارکیٹس میں بھی کمی دیکھی گئی۔
ایس اینڈ پی 500 انڈیکس میں 1.6 فیصد سے زیادہ کمی
ڈاؤ جونز تقریباً 900 پوائنٹس نیچے
نیس ڈیک میں 1.4 فیصد کمی
مزید پڑھیں: آبنائے ہرمز کی بندش: پاکستان کی سعودی عرب سے تیل کی فراہمی کے لیے متبادل راستہ دینے کی درخواست
رپورٹ کے مطابق فروری میں معیشت سے 92 ہزار ملازمتیں ختم ہو گئیں جس سے معاشی خدشات مزید بڑھ گئے ہیں۔
آبنائے ہرمز میں جہاز پھنس گئے
ماہرین کا کہنا ہے کہ ایران کے ساحل کے قریب آبنائے ہرمز میں سینکڑوں آئل اور ایل این جی بردار جہاز پھنس گئے ہیں اور عالمی منڈی تک نہیں پہنچ پا رہے۔
ان کا کہنا ہے کہ عام حالات میں دنیا کی 20 فیصد یومیہ تیل سپلائی اسی راستے سے گزرتی ہے۔
تجزیہ کاروں کے مطابق اگر کشیدگی برقرار رہی تو آئندہ ہفتے تک عالمی تیل سپلائی میں 40 لاکھ بیرل یومیہ تک کمی آ سکتی ہے۔
جنگ شروع ہونے کے بعد سے امریکی خام تیل کی قیمت 30 فیصد سے زیادہ بڑھ چکی ہے جس کے باعث صارفین کے لیے پیٹرول بھی مہنگا ہو گیا ہے۔
یہ بھی پڑھیے: مسلم امہ متحد، سعودی عرب کا بڑا اعلان، ایران کا شکریہ، آیت اللہ خامنہ ای زندہ؟ٹرمپ کا خوف
امریکا میں پیٹرول کی اوسط قیمت 3.32 ڈالر فی گیلن تک پہنچ گئی ہے۔
