بالی ووڈ فلم سٹارز عالیہ بھٹ اور رنویر سنگھ کی فلم راکی اور رانی کی پریم کہانی کی ریلیز تین ماہ کے لیے ملتوی کر دی گئی ہے۔ اس سے پہلے کرن جوہر کی ہدایت کاری میں بننے والی فلم نے 28 اپریل 2023 کو ریلیز ہونا تھا۔ تاہم، فلم کی کاسٹ نے جمعرات کو انسٹاگرام پر راکی اور رانی کی پریم کہانی کی نئی ریلیز کی تاریخ کا اعلان کیا جو اب 28 جولائی، 2023 کو ریلیز ہوگی۔
عالیہ بھٹ اور رنویر سنگھ دونوں نے راکی اور رانی کی پریم کہانی کی ریلیز کی نئی تاریخ کا اعلان کرتے ہوئے انسٹاگرام پوسٹس شیئر کیں۔ جبکہ عالیہ نے اپنے کیپشن میں لکھا، ”راکی اور رانی کی پریم کہانی… 28 جولائی، 2023 کو ریلیز ہو رہی ہے۔ فلم میں ملتے ہیں،” رنویر نے کیپشن کے ساتھ پوسٹ شیئر کی جس میں لکھا گیا، ’’کیونکہ یہ سب کچھ آپ سے محبت کرنے کے بارے میں ہے۔ فیملی!‘‘ انہوں نے فلم کے نام کا ایک پوسٹر شیئر کیا جس پر ‘سیو دی ڈیٹ’ لکھا ہوا تھا۔
View this post on Instagram
اداکار ہ جھانوی کپور اور فلمساز زویا اختر سمیت کئی مشہور شخصیات نے ان کی پوسٹوں پر تبصرہ کیا، اور بہت سے مداحوں نے ‘انتظار نہیں کر سکتے’ جیسے تبصرے لکھے ۔
راکی اور رانی کی پریم کہانی سے فلمساز کرن جوہر نے بطور ہدایت کار واپسی کی۔ راکی اور رانی کی پریم کہانی کے بارے میں اپنے جوش و خروش کو شیئر کرتے ہوئے، کرن نے جمعرات کو انسٹاگرام پر لکھا، ”وہ کہتے ہیں صبر کا پھل میٹھا ہوتا ہے– ہم بہت سارے پیار کے ساتھ آرہے ہیں
ہندوستانی اخبار ہندوستان ٹائمز کے مطابق رنویر اور عالیہ کے ساتھ، راکی اور رانی کی پریم کہانی میں تجربہ کار اداکار دھرمیندر، جیا بچن اور شبانہ اعظمی نے اہم کردار ادا کیے ہیں۔ یہ پہلا موقع ہے جب کرن دھرمیندر اور شبانہ اعظمی کو ڈائریکٹ کر رہے ہیں۔ رپورٹس کے مطابق شبانہ عالیہ کی دادی کا کردار ادا کریں گی جب کہ جیا رنویر کی دادی کا کردار ادا کریں گی۔
گزشتہ سال، راکی اور رانی کی پریم کہانی کے بارے میں بات کرتے ہوئے، کرن نے ریلیز کی تاریخ کا اعلان ایک طویل بیان میں کیا تھا جو انہوں نے انسٹاگرام پر پوسٹ کیا تھا، جس میں لکھا تھا، ”7 سال بعد، میرے لیے اپنے پہلے گھر یعنی سینما گھروں میں واپسی کا وقت آگیا ہے۔ میری فلم کے سیٹ پر ایک نہیں بلکہ بہت سے نامور اداکاروں کے ساتھ کام کرنے کا اعزاز ملا۔
