وفاقی دارالحکومت اسلام آباد میں پیٹرول پمپس پر رش کے بعد ضلعی انتظامیہ نے شہریوں کو یقین دہانی کرائی ہے کہ شہر کے تمام پیٹرول پمپس پر پیٹرول اور ڈیزل کی بڑی مقدار دستیاب ہے۔ انتظامیہ نے شہریوں سے اپیل کی ہے کہ وہ تحمل سے ایندھن ڈلوائیں اور کسی پمپ پر پیٹرول یا ڈیزل نہ ملنے کی صورت میں فوری اطلاع دیں تاکہ بروقت اقدامات کیے جا سکیں۔
Public Advisory
If any petrol pump refuses to provide petrol or diesel, citizens are requested to immediately report the incident to the Islamabad District Administration Control Room at 051-9108084 or inform us through our official social media channels.
Your cooperation helps… pic.twitter.com/Nakjqow8yM— DC Islamabad (@dcislamabad) March 6, 2026
ضلعی انتظامیہ نے واضح کیا ہے کہ پیٹرول کی قلت کے حوالے سے چلنے والی خبریں بے بنیاد ہیں اور تمام پیٹرول پمپس پر ری فیلنگ کا عمل جاری ہے۔ چند پمپس پر رش کی وجہ سے وقتی طور پر ایندھن کی کمی محسوس ہوئی، لیکن مجموعی طور پر شہر میں پیٹرول اور ڈیزل کی فراہمی مستحکم ہے۔
انتظامیہ نے شہریوں سے اپیل کی کہ وہ بے جا ہڑبڑی یا رش سے گریز کریں تاکہ تمام صارفین تک ایندھن بروقت پہنچ سکے۔ کسی پمپ پر پیٹرول یا ڈیزل فراہم نہ کرنے کی صورت میں فوراً ضلعی انتظامیہ کو آگاہ کیا جائے تاکہ اس معاملے کو حل کیا جا سکے۔
یہ بھی پڑھیں:مشرقِ وسطیٰ میں کشیدگی، پاکستان میں پیٹرول کتنا مہنگا ہوسکتا ہے؟
ضلعی انتظامیہ کے مطابق، پیٹرول پمپس پر ری فلنگ کا عمل مستقل جاری ہے اور ایندھن کی دستیابی کے لیے کوئی رکاوٹ موجود نہیں۔ شہریوں سے توقع کی گئی ہے کہ وہ ذمہ داری کا مظاہرہ کرتے ہوئے پیٹرول پمپس پر نظم و ضبط برقرار رکھیں تاکہ ہر کسی کو ایندھن بوقت مل سکے۔
یہ اقدامات اسلام آباد میں ایندھن کی مناسب فراہمی اور شہریوں میں پھیلنے والے افواہوں کو کنٹرول کرنے کے لیے کیے جا رہے ہیں۔
