ٹی20 ورلڈ کپ 2026 میں حصہ لینے کے بعد مشرق وسطیٰ میں جاری کشیدگی کے باعث بھارت میں محصور کرکٹ ٹیموں کے لیے اچھی خبر سامنے آئی ہے۔
میڈیا رپورٹس کے مطابق انگلینڈ، جنوبی افریقہ اور ویسٹ انڈیز کی کرکٹ ٹیمیں واپس اپنے ممالک جانے کے لیے آئی سی سی کی جانب سے فراہم کردہ چارٹر طیاروں میں سفر کریں گی۔
England are set to depart from Mumbai on Saturday evening, while West Indies and South Africa will take a different charter flight from Kolkata https://t.co/iHTdHoaI0P pic.twitter.com/Iu1pjf7GD8
— ESPNcricinfo (@ESPNcricinfo) March 7, 2026
انگلینڈ کی ٹیم جو بھارت کے خلاف سیمی فائنل میں شکست کھا چکی ہے، آج شام ممبئی سے لندن کے لیے روانہ ہو گی۔ ویسٹ انڈیز اور جنوبی افریقہ کی ٹیمیں کل کولکتہ سے مختلف چارٹر پروازوں کے ذریعے اپنے وطن جائیں گی۔
جنوبی افریقہ کے کچھ کھلاڑی، بشمول کیشو مہاراج، جیسن اسمتھ، جارج لنڈے اور کوچنگ اسٹاف، نیوزی لینڈ روانہ ہوں گے جہاں 15 مارچ سے محدود اوورز کی سیریز شروع ہوگی۔
میڈیا رپورٹس کے مطابق ویسٹ انڈیز کی ٹیم اپنے آخری میچ کے بعد 6 دن سے کولکتہ میں پھنسے ہوئے ہیں، جبکہ جنوبی افریقہ کی ٹیم بھی سیمی فائنل میں نیوزی لینڈ سے شکست کے بعد وہیں محصور تھی۔
