خیبر پختونخوا کے ضلع شمالی وزیرستان میں سرحد پار سے فائر کیے گئے مارٹر گولے کے نتیجے میں ایک بچہ جاں بحق جبکہ 4 بچے زخمی ہو گئے۔
میڈیا رپوٹس کے مطابق افغانستان کے صوبہ خوست کی جانب سے داغا گیا مارٹر گولا غلام خان بارڈر کے علاقے گُل لک خیل گاؤں میں ایک شہری کے گھر پر آ کر گرا۔ دھماکے کے نتیجے میں گھر میں موجود بچوں میں سے ایک بچہ موقع پر ہی جاں بحق ہو گیا جبکہ 4 دیگر زخمی ہو گئے۔
یہ بھی پڑھیے: سرحد پار دہشتگردی ناقابل برداشت، پاکستانیوں کا تحفظ ہر قیمت پر یقینی بنایا جائے گا، صدر زرداری
اسپتال ذرائع کا کہنا ہے کہ زخمی ہونے والے بچوں کی عمریں 6 سے 12 سال کے درمیان ہیں۔ زخمی بچوں کو فوری طور پر طبی امداد کے لیے ڈی ایچ کیو ہسپتال میران شاہ منتقل کر دیا گیا ہے جہاں انہیں علاج معالجہ فراہم کیا جا رہا ہے۔
واضح رہے کہ گزشتہ کئی دنوں سے سرحدی علاقوں میں افغان رجیم کی جانب سے بلااشتعال فائرنگ کا سلسلہ جاری ہے۔
