آئی سی سی ٹی ٹوئنٹی ورلڈ کپ 2026 میں بھارتی کرکٹ ٹیم کی کامیابی کے بعد بھارتی کرکٹ بورڈ (بی سی سی آئی) نے کھلاڑیوں کے لیے 131 کروڑ بھارتی روپے کی انعامی رقم کا اعلان کر دیا ہے۔
بی سی سی آئی کے مطابق انعامی رقم کھلاڑیوں، کوچنگ اسٹاف اور سیلیکٹرز میں تقسیم کی جائے گی، اگرچہ اس وقت رقم کی تفصیلی تقسیم کا اعلان نہیں کیا گیا۔
یہ بھی پڑھیں: بھارت اس بچے کی طرح ہے جو سب کو بلاتا ہے آؤ کھیلیں لیکن جیتنا صرف مجھے ہے، شعیب اختر کا بھارت پر طنز
یہ پہلا موقع نہیں جب بی سی سی آئی نے ورلڈ کپ کی فتح کے بعد بڑا انعامی اعلان کیا۔ 2024 ٹی 20 ورلڈ کپ جیتنے کے بعد بورڈ نے 125 کروڑ روپے کا انعام دیا تھا۔
اس وقت 15 کھلاڑیوں میں سے ہر ایک کو 5 کروڑ روپے ملے جبکہ ہر کوچنگ اسٹاف کے رکن کو 2.5 کروڑ روپے دیے گئے۔ 5 رکنی سیلیکشن کمیٹی کے ہر رکن کو جس کی قیادت اجیت اگارکر کر رہے تھے 1 کروڑ روپے دیے گئے۔
