اقوام متحدہ میں چین کے مستقل مندوب فو کونگ نے افغانستان میں طالبان حکومت پر شدید تنقید کرتے ہوئے کہا ہے کہ افغانستان میں سرگرم دہشتگرد تنظیموں کی وجہ سے خطے کے پڑوسی ممالک کے لیے سنگین سیکیورٹی خدشات پیدا ہو گئے ہیں۔
عالمی خبر رساں ادارے کے مطابق فو کونگ نے بیان میں کہاکہ افغانستان میں القاعدہ، داعش خراسان، بی ایل اے اور ٹی ٹی پی جیسی تنظیمیں فعال ہیں، جو خطے میں امن کے لیے خطرہ ہیں۔
انہوں نے افغان سرزمین کو دہشتگردوں کے لیے پناہ گاہ قرار دیتے ہوئے اس صورتحال کو پڑوسی ممالک کے لیے قابل تشویش قرار دیا۔
چینی مندوب نے زور دیا کہ طالبان حکومت دہشت ردی کے سنگین خطرات کو تسلیم کرے اور افغانستان سے سرگرم تمام دہشتگرد عناصر کو ختم کرنے کے اقدامات کرے۔
عالمی ماہرین کا بھی کہنا ہے کہ بھارت اور افغانستان کے درمیان موجود تعلقات خطے کے امن و استحکام کے لیے ایک بڑا چیلنج بن چکے ہیں۔
اس سے قبل پاکستان بھی افغانستان میں موجود دہشتگرد تنظیموں کے حوالے تحفظات کا اظہار کر چکا ہے، اور کابل پر واضح کیا ہے کہ اسے دہشتگردوں یا پاکستان میں سے کسی ایک کا انتخاب کرنا ہوگا۔
