مدینہ منورہ میں واقع مسجد نبوی میں نصب جدید گنبد اور خودکار چھتریاں زائرین اور عبادت گزاروں کے لیے آرام دہ اور محفوظ ماحول فراہم کر رہی ہیں۔
یہ جدید تعمیراتی ڈھانچے نہ صرف مسجد کے حسن میں اضافہ کرتے ہیں بلکہ شدید موسم سے تحفظ میں بھی اہم کردار ادا کرتے ہیں۔ مسجد نبوی کے صحن میں نصب بڑی چھتریاں خاص طور پر گرمی کے موسم میں دھوپ سے بچاؤ کے لیے تیار کی گئی ہیں۔
ان چھتریوں کا منفرد ڈیزائن انہیں ضرورت کے مطابق خودکار طریقے سے کھلنے اور بند ہونے کی سہولت دیتا ہے، جس سے ہزاروں زائرین کو ہر موسم میں نسبتاً ٹھنڈا اور آرام دہ ماحول میسر آتا ہے۔
یہ بھی پڑھیے: مسجد نبوی میں اعتکاف کا آغاز، روح پرور مناظر، آخری عشرے کے لیے انتظامات مزید سخت
حکام کے مطابق یہ جدید سہولیات سعودی وژن 2030 کے تحت فراہم کی جا رہی ہیں، جس کا مقصد مقدس مقامات پر آنے والے زائرین کے لیے سہولیات کو بہتر بنانا اور بڑھتی ہوئی تعداد کے باوجود ان کی راحت کو یقینی بنانا ہے۔
حکام کا کہنا ہے کہ مستقبل میں بھی مسجد نبوی اور دیگر مقدس مقامات پر مزید جدید سہولیات متعارف کرانے کی منصوبہ بندی جاری ہے۔
