برطانیہ، بینک نوٹ پر ونِسٹن چرچل اور جین آسٹن کی جگہ جنگلی حیات کی تصاویر شائع کرنیکا فیصلہ

بینک آف انگلینڈ نے اعلان کیا ہے کہ برطانیہ کے اگلی نسل کے پاؤنڈ نوٹوں پر اب تاریخی شخصیات کے بجائے ملکی جنگلی حیات کی تصاویر شامل کی جائیں گی، جس میں ونِسٹن چرچل اور جین آسٹن جیسے معروف چہرے ہٹا دیے جائیں گے۔

Winston Churchill to be scrapped from banknotes as Bank of England outlines 'overdue' decisionhttps://t.co/l0uin5MnIJ

— GB News (@GBNEWS) March 11, 2026

بینک آف انگلینڈ کے مطابق نئے پاؤنڈ نوٹوں میں ہیج ہاگ، بیجرز اور دیگر برطانوی جنگلی جانور دکھائے جائیں گے، جبکہ عوامی مشاورت میں یہ نتیجہ نکلا کہ لوگ فطرت کے موضوع کو زیادہ پسند کرتے ہیں اور تاریخی شخصیات تیسرے نمبر پر آئیں۔

یہ بھی پڑھیں:سعودیہ میں عربی ہرن کی پیدائش، جنگلی حیات کے تحفظ کی کامیابی کا جشن

یہ فیصلہ کچھ سیاستدانوں کے لیے متنازع بھی ہو سکتا ہے، جنہوں نے قومی آئیکونز کو نوٹوں سے ہٹانے پر تنقید کی ہے۔ بینک نے وضاحت کی کہ نئے نوٹ ایسے امیجز پیش کریں گے جو برطانیہ کی نمائندگی کریں اور جن سے کسی طبقے یا رائے میں اختلاف نہ پیدا ہو۔

یہ تبدیلی اس وقت سامنے آئی ہے جب مشہور جنگی رہنما چرچل کے چہرے کی جگہ عوامی پسندیدہ جنگلی حیات نے لے لی ہے۔ عوامی رائے شماری کے بعد نئے ڈیزائن کے نوٹوں پر ملک کی فطرت کو مرکزی موضوع بنایا گیا ہے تاکہ برطانیہ کی ثقافت اور ماحولیات کی قدر اجاگر کی جا سکے۔