ایران کے صدر مسعود پزشکیان نے پاکستانی اور روسی قیادت کے سامنے جنگ کے خاتمے کے لیے 3اہم شرائط رکھ دی ہیں۔
ایران کے صدر مسعود پزشکیان نے سوشل میڈیا پلیٹ فارم ایکس (ٹوئٹر) پر جاری بیان میں کہا ہے کہ انہوں نے روس اور پاکستان کے رہنماؤں سے گفتگو کے دوران خطے میں امن کیلئے ایران کے عزم کا اعادہ کیا ہے۔
ان کے مطابق ایران خطے میں کشیدگی کے خاتمے اور پائیدار امن کا خواہاں ہے۔
ایرانی صدر نے کہا کہ موجودہ جنگ کے خاتمے کا واحد راستہ 3 بنیادی نکات پر عمل ہے۔ ایران کے جائز اور قانونی حقوق کو تسلیم کیا جائے۔ جنگ کے نتیجے میں ہونے والے نقصانات کا معاوضہ (ہرجانہ) ادا کیا جائے۔ مستقبل میں کسی بھی ممکنہ جارحیت کو روکنے کیلئے مضبوط بین الاقوامی ضمانتیں فراہم کی جائیں۔
Talking to leaders of Russia and Pakistan, I reaffirmed Iran’s commitment to peace in the region. The only way to end this war—ignited by the Zionist regime & US—is recognizing Iran’s legitimate rights, payment of reparations, and firm int’l guarantees against future aggression.
— Masoud Pezeshkian (@drpezeshkian) March 11, 2026
صدر پزشکیان نے اپنے بیان میں الزام لگایا کہ یہ جنگ صیہونی حکومت (اسرائیل) اور امریکا کی جانب سے شروع کی گئی۔
انہوں نے کہا کہ خطے میں امن کے قیام کیلئے ضروری ہے کہ اس تنازع کے بنیادی اسباب کو تسلیم کیا جائے اور انصاف پر مبنی حل تلاش کیا جائے۔
ایرانی صدر کے مطابق ایران کی پالیسی خطے میں استحکام اور امن کو فروغ دینا ہے۔ انہوں نے کہا کہ اگر ایران کے جائز مطالبات تسلیم کر لیے جائیں تو جنگ کے خاتمے اور دیرپا امن کی راہ ہموار ہو سکتی ہے۔
