پاکستان اسٹاک ایکسچینج میں جمعرات کو مارکیٹ میں شدید فروخت کا رجحان غالب رہا، کیونکہ خطے میں جغرافیائی سیاسی صورتحال میں کشیدگی کے باعث کے ایس ای 100 انڈیکس دن بھر اتار چڑھاؤ کے بعد مندی کے ساتھ بند ہوا۔
ابتدائی طور پر انڈیکس نیچے گیا اور 153,503.70 پوائنٹس کے انٹرا ڈے کم ترین سطح تک پہنچا، مگر جلد ہی خریداری کی دلچسپی سے بحال ہوا۔
یہ بھی پڑھیں: اسٹاک مارکیٹ بلند ترین سطح پر پہنچ کر مندی سے دوچار، کیا معیشت خطرے میں ہے؟
اس اپسوی حرکت نے انڈیکس کو 157,080.28 پوائنٹس کے انٹرا ڈے بلند ترین سطح تک پہنچا دیا۔ تاہم، یہ سلسلہ زیادہ دیر نہ چل سکا اور دوپہر کے بعد منافع لینے اور فروخت کے دباؤ کے اثر سے انڈیکس پھر گراوٹ کا شکار ہوگیا۔
سیشن کے اختتام پر بینچ مارک کے ایس ای 100 انڈیکس 154,421.43 پوائنٹس پر بند ہوا، جو کہ 1,437.04 پوائنٹس یعنی 0.92 فیصد کی کمی کو ظاہر کرتا ہے۔
Market Close Update: Negative Today! 👇
🇵🇰 KSE 100 ended negative by -1,437.1 points (-0.92%) and closed at 154,421.4 with trade volume of 202.9 million shares and value at Rs. 20.37 billion. Today's index low was 153,504 and high was 157,080. pic.twitter.com/khAacYzdz4— Investify Pakistan (@investifypk) March 12, 2026
انڈیکس پر بھاری اسٹاک میں اینگروہولڈنگز، سس گروپ، سروس انڈسٹریز، اینگرو فرٹیلائزر اور ہائی نون نمایاں فائدہ اٹھانے والے رہے، جنہوں نے مجموعی طور پر انڈیکس میں 745 پوائنٹس کا اضافہ کیا۔
دوسری جانب، یونائیٹڈ بینک، لکی، او جی ڈی سی، حبکو اور مسلم کمرشل بینک نے مارکیٹ پر دباؤ ڈالا، جس سے انڈیکس میں مجموعی طور پر972 پوائنٹس کی کمی ہوئی۔
یہ بھی پڑھیں: اسٹاک ایکسچینج میں غیر مستحکم ٹریڈنگ، انڈیکس 1,900 پوائنٹس گر گیا
اہم پیش رفت کے طور پر، پاکستان اور بین الاقوامی مالیاتی فنڈنے ملک کے ایکسٹینڈڈ فنڈ فیسلٹی پروگرام کے تیسرے جائزے پر مذاکرات میں نمایاں پیش رفت کی ہے اور مزید عالمی تبدیلیوں کے اثرات کا جائزہ لینے کے لیے مذاکرات جاری رہیں گے۔
گزشتہ روز یعنی بدھ کو بھی اسٹاک مارکیٹ مندی کے ساتھ بند ہوئی، کیونکہ سرمایہ کار مشرق وسطیٰ میں بڑھتی ہوئی جغرافیائی کشیدگی اور عالمی توانائی مارکیٹ کی غیر یقینی صورتحال کی وجہ سے محتاط رہے۔ کے ایس ای 100 انڈیکس 155,858.48 پوائنٹس پر بند ہوا، جو کہ 318.64 پوائنٹس یعنی0.20 فیصد کمی ہے۔
عالمی سطح پر، جمعرات کو ایشیا میں حصص مندی میں رہے کیونکہ تیل کی قیمتیں آبنائے ہرمز اور عراق کے پانیوں میں مزید جہازوں پر حملے کی اطلاعات کے بعد بڑھ گئیں، جس سے عالمی سطح پر مہنگائی اور سود کی شرح میں اضافہ ہوا۔
پاکستان اسٹاک ایکسچینج کے تمام شیئرز کے انڈیکس کا حجم 404.25 ملین ریکارڈ ہوا، جو پچھلے سیشن کے 441.87 ملین سے کم ہے، شیئرز کی قدر 24.67 ارب روپے ہو گئی، جو پچھلے 24.98 ارب روپے سے کم ہے۔
مزید پڑھیں: پاکستان اسٹاک مارکیٹ شدید مندی کے باعث عارضی طور پر کیوں معطل کی گئی؟
ہیسکول پیٹرول 38.34 ملین شیئرز کے ساتھ سب سے زیادہ حجم والا اسٹاک رہا اس کے بعد 38.05 ملین شیئرز کے ساتھ کے الیکٹرک اور دوست اسٹیلز لمیٹڈ 25.15 ملین شیئرز کے ساتھ سرفہرست رہیں۔
جمعرات کو 471 کمپنیوں کے شیئرز کا لین دین ہوا، جن میں 157 کے شیئرز بڑھے، 252 کے گر گئے، اور 62 کے بغیر تبدیلی کے بند ہوئے۔
