پاکستان شوبز انڈسٹری کے سینیئر اداکار اور ممتاز وائس آرٹسٹ شجاعت ہاشمی طویل علالت کے بعد انتقال کرگئے۔
یہ بھی پڑھیں: پاکستانی تھیٹر اور فلم کا بڑا نام اداکار انور علی دنیا سے چل بسے
شجاعت ہاشمی کو پاکستانی ٹیلی وژن اور فلم انڈسٹری کی نمایاں شخصیات میں شمار کیا جاتا تھا۔ انہوں نے اپنی اداکاری اور آواز کے ذریعے فن کی دنیا میں گہرے نقوش چھوڑے اور کئی یادگار منصوبوں کا حصہ رہے۔
انہوں نے خاک اور خون، سوہرا تے جوائی اور بابل دیاں گلیاں سمیت متعدد فلموں میں اداکاری کے جوہر دکھائے، جنہیں شائقین کی جانب سے بے حد پذیرائی ملی۔
حکومت پاکستان نے فنون لطیفہ کے شعبے میں ان کی خدمات کے اعتراف میں انہیں پرائیڈ آف پرفارمنس ایوارڈ سے بھی نوازا تھا۔
یہ بھی پڑھیں: معروف اداکار عشرت عباس خلیل انتقال کرگئے، پشاور میں سپرد خاک
مرحوم کی نماز جنازہ آج رات 9 بجے جامعہ نعیمیہ، گڑھی شاہو لاہور میں ادا کی جائے گی۔
ان کے انتقال پر شوبز حلقوں اور مداحوں کی جانب سے گہرے دکھ اور افسوس کا اظہار کیا جارہا ہے۔
