سعودی عرب کے شہر جدہ میں عیدالفطر قریب آتے ہی تاریخی منڈیوں میں خریداروں کا رش بڑھ گیا ہے۔ شہر کے قدیم علاقے البلد کی تنگ گلیوں اور روایتی بازاروں میں شہری عید کی خریداری کے لیے بڑی تعداد میں پہنچ رہے ہیں۔
رپورٹس کے مطابق عید کی آمد کے ساتھ ہی روایتی بازار خریداروں سے بھر گئے ہیں جہاں کپڑے، عطر، مٹھائیاں، خشک میوہ جات، تحائف اور ہاتھ سے تیار کردہ دستکاریاں فروخت کی جا رہی ہیں۔ یہ اشیا حجاز کے منفرد ثقافتی ورثے کی عکاسی کرتی ہیں اور مقامی و غیر ملکی خریداروں کو اپنی جانب متوجہ کرتی ہیں۔
یہ بھی پڑھیے: عیدالفطر کے موقع پر پاکستان ریلویز کا 4 خصوصی ٹرینیں چلانے کا فیصلہ
جدہ کی تاریخی منڈیاں اپنے قدیم طرزِ تعمیر، ثقافتی اہمیت اور تجارتی سرگرمیوں کے باعث خاص شہرت رکھتی ہیں۔
عید کے دنوں میں یہ بازار نہ صرف خریداری کا مرکز بنتے ہیں بلکہ سماجی اور معاشی سرگرمیوں کا بھی اہم مرکز بن جاتے ہیں، جہاں شہریوں اور سیاحوں کی بڑی تعداد دیکھنے میں آتی ہے۔
