لاہور کی احتساب عدالت نے قومی احتساب بیورو (نیب) کی درخواست منظور کرتے ہوئے سابق وزیراعظم نواز شریف اور وزیر اعلیٰ پنجاب مریم نواز کے خلاف چوہدری شوگر ملز کیس میں تحقیقات بند کرنے کی حتمی منظوری دبدی۔
احتساب عدالت کے جج رانا عارف نے نیب کی جانب سے دائر درخواست پر محفوظ فیصلہ سناتے ہوئے کہاکہ مریم نواز اور نواز شریف کے خلاف انویسٹی گیشن بند کی جائے۔
نیب نے اپنی درخواست میں موقف اختیار کیا تھا کہ چوہدری شوگر ملز کیس میں مریم نواز اور نواز شریف کے خلاف کرپشن کے کوئی شواہد نہیں ملے، جس کے بعد ایگزیکٹو بورڈ نے تحقیقات بند کرنے کی منظوری دی۔
بعد ازاں لاہور ہائیکورٹ نے نیب کو ہدایت کی تھی کہ حتمی منظوری کے لیے احتساب عدالت سے رجوع کرے، جس پر عدالت نے کیس بند کرنے کی منظوری دے دی۔
