اسلام آباد میں شہری نے عیدالفطر کے چاند سے متعلق اسلام آباد ہائیکورٹ میں انوکھی درخواست دائر کردی ہے۔
اسلام آباد ہائیکورٹ میں شہری نے انوکھی درخواست دائر کی جس میں کہا گیا ہے کہ 29ویں رمضان کو عید کا چاند دیکھنے کے بعد رویت ہلال کمیٹی جلد اپنے فیصلے سے آگاہ کرے۔
شہری نے درخواست میں استدعا کی ہے کہ رویت ہلال کمیٹی کو شوال کے چاند سے متعلق اعلان جلدی کرنے کا حکم دیا جائے کیونکہ چاند کے دیکھے جانے کے اعلان میں تاخیر سے لوگ تراویح بھی پڑھ لیتے ہیں۔
یہ بھی پڑھیں: عیدالفطر 2026: چاند کس تاریخ کو نظر آنے کا امکان ہے؟
شہری نے کہا کہ رات تاخیر سے چاند کا اعلان ہونے سے مارکیٹس میں اچانک رش بڑھ جاتا ہے، انتظامیہ کو لا اینڈ آرڈر کی صورت حال سے بچانے کے لیے اقدامات کی ہدایت کریں۔
درخواست میں عدالت عالیہ سے استدعا کی گئی کہ عید شاپنگ کی دکانوں کے علاوہ دیگر مارکیٹس بند رکھنے کا بھی حکم دیا جائے۔
