مرکزی رویت ہلال کمیٹی نے اعلان کیا ہے کہ شوال کا چاند نظر نہیں آیا ہے، عیدالفطر 21 مارچ( بروز ہفتہ) کو ہوگی، وزارت مذہبی امور نے نوٹیفکیشن جاری کردیا۔۔
یہ بھی پڑھیں: سعودی سپریم کورٹ نے عام مسلمانوں سے عید کا چاند دیکھنے کی اپیل کیوں کی؟
پاکستان میں شوال 1447 ہجری کا چاند دیکھنے کے لیے مرکزی رویت ہلال کمیٹی کا اہم اجلاس وفاقی دارالحکومت اسلام آباد میں وزارت مذہبی امور کی چھت پر ہوا، اجلاس کی صدارت چیئرمین مرکزی رویت ہلال کمیٹی مولانا عبدالخبیر آزاد نے کی، ۔اجلاس میں مرکزی رویت ہلال کمیٹی کے اراکین کے علاوہ محکمہ موسمیات اور سپارکو کے نمائندوں نے بھی شرکت کی۔
کوئٹہ، پشاور، لاہور اور کراچی سمیت ملک بھر میں زونل رویت ہلال کمیٹیوں کے اجلاس ہوئے۔
مرکزی رویت ہلال کمیٹی کے اجلاس کے بعد مولانا عبدالخبیر آزاد نے اعلان کیا کہ ملک میں کہیں بھی ماہ شوال کا چاند نظر آنے کی مصدقہ شہادت موصول نہیں ہوئی، عیدالفطر 21مارچ (بروز ہفتہ) ہوگی۔
دوسری جانب کئی اسلامی ممالک میں شوال کا چاند نظر نہیں آیا، سعودی عرب میں چاند دکھائی نہ دینے کے باعث وہاں عیدالفطر جمعہ 20 مارچ کو منائی جائے گی۔ متحدہ عرب امارات میں بھی چاند نظر نہ آنے کے بعد آج آخری روزہ رکھا جا رہا ہے جبکہ عید جمعہ کو ہوگی۔
یہ بھی پڑھیں: چاند رات اور عیدالفطر کے موقع پر اسلام آباد پولیس کے موثر سیکیورٹی و ٹریفک انتظامات
اسی طرح بنگلادیش اور ملائیشیا سے بھی شوال کا چاند نظر نہ آنے کی اطلاعات سامنے آئی ہیں، جس کے باعث پاکستان میں عید کے حتمی اعلان کے لیے مرکزی رویت ہلال کمیٹی کے فیصلے کا انتظار کیا جا رہا ہے
