لاہور کی کوٹ لکھپت جیل میں قید پاکستان تحریک انصاف کے رہنماؤں شاہ محمود قریشی، اعجاز چوہدری، عمر سرفراز چیمہ اور میاں محمودالرشید نے جیل میں نماز عید کی ادائیگی کی اجازت کے لیے جیل سپرنٹنڈنٹ کو باضابطہ درخواست دے دی۔
یہ بھی پڑھیں: اسلام آباد، عیدالفطر کا چاند دیکھنے کیلئے مرکزی رویت ہلال کمیٹی کا اجلاس جاری
اسیران کی جانب سے مؤقف اختیار کیا گیا ہے کہ یہ ان کی قید کے دوران تیسری عید ہے مگر انہیں تاحال نماز عید ادا کرنے کی اجازت نہیں دی گئی۔ درخواست میں کہا گیا ہے کہ مذہبی فریضے کی ادائیگی سے روکنا غیر آئینی عمل ہے اور قیدیوں کو بنیادی مذہبی حقوق فراہم کیے جائیں۔
یہ بھی پڑھیں: چاند رات اور عیدالفطر کے موقع پر اسلام آباد پولیس کے موثر سیکیورٹی و ٹریفک انتظامات
درخواست میں جیل انتظامیہ سے اپیل کی گئی ہے کہ عیدالفطر کے موقع پر قیدیوں کو اجتماعی نماز عید ادا کرنے کی اجازت دی جائے تاکہ وہ اپنا مذہبی فریضہ ادا کرسکیں۔
