تحریک انصاف کے صدر اور سابق وزیراعلیٰ پنجاب پرویز الہٰی کے ترجمان اقبال چودھری کو گوجرانوالہ سے حراست میں لے لیا گیا ہے۔
پولیس کے مطابق اقبال چودھری کو پرویز الہٰی کی پیشی سے قبل احاطہ عدالت سے حراست میں لیا گیا ہے، اقبال چودھری کو پولیس وین میں نامعلوم مقام پر منتقل کر دیا گیا ہے۔
سابق وزیراعلیٰ پنجاب چودھری پرویز الہٰی کو ترقیاتی سکیموں میں 2 ارب روپے مبینہ رشوت لینے کے الزام میں آج اینٹی کرپشن کورٹ گوجرانوالہ میں پیش کیا جائے گا۔
یاد رہے کہ گزشتہ روز لاہور میں عدالت نے ترقیاتی منصوبوں میں کرپشن کے کیس میں پرویز الہٰی کو بری کیا تھا جس کے فوری بعد پولیس نے انہیں دوسرے مقدمے میں گرفتار کر لیا تھا۔
