مارک زکربرگ نے (مرف) فٹنس چیلنج پورا کرکے سب کو حیران کر دیا

فیس بک کے بانی مارک زکربرگ نے 9 کلو وزنی جیکٹ پہن کر فٹنس چیلنج (مرف) پورا کرکے فوجیوں کو خراج تحسین پیش کیا، مارک زکربرگ نے اپنےبچوں کے ہمراہ تصاویر اور تفصیلات فیس بک پر شیئر کیں۔

مارک زکربرگ نے یونائیٹڈ اسٹیٹس میموریل ڈے کے موقع پر فوجیوں کے اعزاز میں (مرف) فٹنس چیلنج پورا کرنے کی تصاویر سوشل میڈیا پر شیئر کیں تو مداح حیران رہ گئے۔ 2 لاکھ سے زائد کمنٹس میں زیادہ تر صارفین نے کہا کہ آپ ہمارے لیے بھی کوئی کامیابی چھوڑ دیں۔

کچھ صارفین نے لکھا کہ ایسا چیلنج قبول کرنا پاگل پن ہی ہو سکتا ہے اور کچھ صارفین نے لکھا کہ بچوں کو بھی فٹنس کی ترغیب دینا بہت بہترین کام ہے۔

مرف چیلنج کیا ہے؟

مارک زکربرگ نے مرف فٹنس چیلنج کی تفصیلات شیئر کرتے ہوئے کہا کہ مرف چیلنج میں ایک میل دوڑنے کے بعد 100 پل اپس، 200 پش اپس، اور 300 اسکواٹس کرنے کے بعد 9 کلو وزنی جیکٹ پہن کر دوبارہ ایک میل دوڑنا ہوتا ہے۔

مرف چیلنج لیفٹینٹ مائیکل مرفی کے نام سے منسوب ہے، مائیکل مرفی 2005 میں افغانستان میں اپنی جان سے ہاتھ دھو بیٹھے تھے، مائیکل مرفی اس فٹنس ٹریننگ کو بہت پسند کرتے تھے۔

مزید پڑھیں

• فیس بک اور انسٹاگرام پر ’ریلز‘ سے آمدنی کے منصوبے کا اعلان

  

• مارک زکربرگ ایم ایم اے ٹریننگ کے دوران زخمی، اسپتال پہنچ گئے اور ایلون مسک کو کیا پیغام دیا؟

  

• فیس بک اسٹارز پروگرام: پیسے کمانے کے لیے اسٹارز کیسے ملیں گے؟

  

• فیس بک نے بھی ٹک ٹاک اکاونٹ بنا لیا

  

مارک زکربرگ نے اظہار کیا کہ مرف چیلنج کو مکمل کرنا ایک خاندانی روایت بن گیا ہے کہ ملک کا دفاع کرنے والے فوجیوں کو عزت دی جائے۔

انہوں نےکہا کہ مرف چیلنج ان لوگوں کو خراج تحسین پیش کرنے کا ایک طریقہ ہے جنہوں نے فوج میں خدمات انجام دیتے ہوئے اپنی جانیں قربان کیں۔

ٹیک تائیکون مارک زکربرگ نے چیلنج 39 منٹ اور 58 سیکنڈ میں مکمل کیا، جب کہ ان کی بیٹیوں نے 15 منٹ میں ایک چوتھائی چیلنج مکمل کیا۔