بھارتی ریاست گجرات کے اندراد گاؤں میں 54 سالہ خاتون شردابن ٹھاکر کا قتل اور کان کاٹ کر زیورات چرانے کا اندوہناک واقعہ سامنے آیا ہے۔ پولیس نے اس کیس میں سچن کمار مکوند بھائی ڈنتانی کو گرفتار کر لیا ہے۔
یہ بھی پڑھیں: شوہر کو کیسے قتل کیا جائے؟ بھارتی خاتون نے یوٹیوب سے طریقہ سیکھ کر ’کامیاب واردات’ کر ڈالی
بھارتی میڈیا کے مطابق ابتدائی تحقیقات کے مطابق شردابن ٹھاکر 20 مارچ کو لاپتا ہوئی تھیں۔ اہلخانہ نے سی سی ٹی وی فوٹیج کے ذریعے ان کے قدموں کا پتا لگایا، جو انہیں ساویتا امرت فارم لے جارہے تھے، لیکن وہ وہاں سے باہر نہیں آئیں۔ پولیس نے وہاں تازہ کھودی گئی مٹی دیکھی، جس میں مکھیوں کی بہتات تھی اور کھودائی کرنے پر خاتون کی لاش سامنے آئی۔
خاتون کے کان کاٹے گئے تھے اور سونے اور چاندی کے زیورات غائب تھے، جن کی مالیت 4.40لاکھ روپے بتائی گئی ہے۔
یہ بھی پڑھیں: محبت کی تکون: محبوب کی 19 سالہ معشوق قتل، 2 ملزمان گرفتار
اہم پیشرفت اس وقت ہوئی جب پولیس کو اطلاع ملی کہ ایک شخص ایک کلو چاندی کی پازیب بیچنے کی کوشش کررہا ہے۔ اس پر سچنکمار ڈنتانی کو گرفتار کر لیا گیا۔ گرفتاری کے بعد اس نے اعتراف کیا کہ مالی مشکلات کی وجہ سے اس نے یہ جرم کیا۔
پولیس نے قتل کا ہتھیار اور 3.40 لاکھ روپے مالیت کے زیورات برآمد کرلیے ہیں۔ ملزم 27 مارچ تک پولیس ریمانڈ میں رہے گا۔
