وزیر خارجہ اسحاق ڈار نے کہا ہے کہ انہوں نے چین کی کمیونسٹ پارٹی کی مرکزی قیادت کے رکن اور چینی وزیر خارجہ وانگ یی سے مغربی ایشیا کی بدلتی ہوئی صورتحال پر اہم ٹیلیفونک گفتگو کی، جس میں خطے میں امن و استحکام کی فوری بحالی پر اتفاق کیا گیا۔
🔊PR No.7️⃣6️⃣/2️⃣0️⃣2️⃣6️⃣
Pakistan and China Reaffirm Commitment to Regional Peace and Diplomatic Engagement pic.twitter.com/EHotZRpWHo
— Ministry of Foreign Affairs – Pakistan (@ForeignOfficePk) March 27, 2026
اسحاق ڈار کے مطابق دونوں رہنماؤں نے اس بات پر زور دیا کہ مشرق وسطیٰ سمیت پورے خطے میں کشیدگی کا خاتمہ ناگزیر ہے اور اس مقصد کے لیے فوری جنگ بندی، امن مذاکرات کی بحالی، شہریوں اور عام انسانوں کے تحفظ اور سمندری راستوں کی سیکیورٹی کو یقینی بنایا جانا چاہیے۔ انہوں نے کہا کہ اس حوالے سے اقوام متحدہ کے چارٹر کی مکمل پاسداری بھی ضروری ہے۔
وزیر خارجہ نے بتایا کہ چینی ہم منصب وانگ یی نے خطے میں امن کے قیام کے لیے پاکستان کی جاری سفارتی کوششوں کو سراہتے ہوئے مکمل حمایت کا اظہار کیا۔ دونوں رہنماؤں نے اس عزم کا اعادہ بھی کیا کہ تمام تنازعات کا حل بات چیت اور سفارتکاری کے ذریعے ہی ممکن ہے، اور اسی راستے کو آگے بڑھایا جائے گا۔
It was pleasure to speak today with my friend, His Excellency Wang Yi, Member of the Political Bureau of the CPC Central Committee and Foreign Minister of the People’s Republic of China, on the evolving situation in the West Asia.
We reaffirmed the need to restore peace and…
— Ishaq Dar (@MIshaqDar50) March 27, 2026
واضح رہے کہ یہ رابطہ ایسے وقت میں ہوا ہے جب پاکستان مشرق وسطیٰ میں کشیدگی کم کرنے اور مختلف فریقین کے درمیان رابطوں کو فروغ دینے کے لیے متحرک سفارتی کردار ادا کررہا ہے، جسے عالمی سطح پر بھی اہمیت دی جا رہی ہے۔
حالیہ امریکی جریدے نے بھی اپنی تازہ رپورٹ میں اس بات کو تسلیم کیا ہے کہ پاکستان نے خطے میں امن کے لیے اپنی سفارتی سرگرمیاں تیز کردی ہیں، جہاں اعلیٰ سطح پر مختلف عالمی اور علاقائی رہنماؤں سے مسلسل رابطے کیے جا رہے ہیں۔ ایک رپورٹ کے مطابق پاکستانی قیادت بشمول وزیراعظم شہباز شریف، وزیر خارجہ اسحاق ڈار اور فیلڈ مارشل عاصم منیر مشرق وسطیٰ میں کشیدگی کم کرنے کے لیے فعال کردار ادا کر رہی ہے اور امریکا و ایران سمیت اہم فریقین کے درمیان رابطوں کو ممکن بنانے کی کوششوں میں مصروف ہے۔
