پاکستان کے ڈپٹی وزیراعظم اور وزیر خارجہ سینیٹر محمد اسحاق ڈار نے ٹوئٹ کے ذریعے خوشخبری دی ہے کہ ایران نے پاکستانی پرچم بردار 20 مزید جہازوں کو آبنائے ہرمز سے گزرنے کی اجازت دے دی ہے۔ ان میں سے ہر روز دو جہاز اس اہم تجارتی راستے کو عبور کریں گے۔
I am pleased to share a great news that the Government of Iran has agreed to allow 20 more ships under the Pakistani flag to pass through the Strait of Hormuz; two ships will cross the Strait daily.
This is a welcome and constructive gesture by Iran and deserves appreciation. It…
— Ishaq Dar (@MIshaqDar50) March 28, 2026
اسحاق ڈار کے مطابق یہ اقدام ایران کی جانب سے ایک تعمیری اور مثبت پیشرفت ہے جس کی تعریف کی جانی چاہیے۔ یہ قدم خطے میں امن اور استحکام کے فروغ کی نشانی ہے۔
امن اور اعتماد سازی کی کوششیں
سینیٹر اسحاق ڈار نے کہا کہ یہ مثبت اعلان امن کی طرف ایک اہم قدم ہے اور اس سے مشترکہ کوششوں کو مزید تقویت ملے گی۔ انہوں نے زور دیا کہ مذاکرات، سفارت کاری اور اعتماد سازی کے اقدامات ہی خطے میں دیرپا امن کے راستے ہیں۔














