پاک فوج نے گلگت بلتستان کے دور افتادہ ضلع گانچھے میں جدید سہولیات سے آراستہ ایک کمپیوٹر لیب اور فری لانسنگ ہب قائم کر دیا ہے، جس کا مقصد علاقے کے نوجوانوں کو ترقی کے بہتر مواقع فراہم کرنا ہے۔
اس اقدام کے تحت نوجوانوں کو جدید کمپیوٹرز اور مفت انٹرنیٹ کی سہولت فراہم کی گئی ہے، تاکہ وہ نہ صرف اپنی تعلیمی سرگرمیوں کو مؤثر بنا سکیں بلکہ آن لائن روزگار کے مواقع سے بھی بھرپور استفادہ کر سکیں۔
مقامی نوجوانوں نے اس کاوش کو سراہتے ہوئے پاک فوج کا شکریہ ادا کیا۔
ان کا کہنا تھا کہ اپنے گاؤں میں ایسی جدید سہولیات کی فراہمی کسی بڑی نعمت سے کم نہیں۔
ان کے مطابق اس اقدام سے ان کی تعلیمی صلاحیتوں میں نمایاں اضافہ ہوگا اور وہ فری لانسنگ کے ذریعے باوقار روزگار حاصل کرنے کے قابل بھی بن سکیں گے۔
